Home / QİDA  / Qadınların ən çox sevdiyi “Sezar” salatı

Qadınların ən çox sevdiyi “Sezar” salatı

Bir zamanlar "Paytaxt" salatı rəqibsiz olaraq qalırdı. Qadınlar hansı qonaqlıqda olsa mütləq bu salatı görmək istəyirdilər. İndidə qonaqlıqda paytaxt salatı mütləq qidalardan biridir. Lakin artıq müasir qadınlar, avropalı görünmək istəyən qadınlar "Sezar" salatını üstün tuturlar. Əgər

Sezar salati

Bir zamanlar “Paytaxt” salatı rəqibsiz olaraq qalırdı. Qadınlar hansı qonaqlıqda olsa mütləq bu salatı görmək istəyirdilər. İndidə qonaqlıqda paytaxt salatı mütləq qidalardan biridir.

Lakin artıq müasir qadınlar, avropalı görünmək istəyən qadınlar “Sezar” salatını üstün tuturlar. Əgər sizin qonağınız bu tipli qadınlardandırsa, onu daha da valeh edəcək “Sezar” salatını hazırlayın. Qadınlar toyuq ətindən xoşlandıqları üçün biz sizə toyuq əti ilə olan “Sezar” salatının reseptini təqdim edirik.

Lazımdır:
Toyuğun döş əti – 200 qr.
Çerri pomidoru – 100 qr. (1 ədəd adi pomidorla əvəz etmək olar)
Parmezan pendiri – 50 qr.
kahı – 1 dəstə (Romen sortu olsa daha yaxşı olar)
ağ baton çörəyi – 0,5 ədəd
sarımsaq – 1 diş
zeytun yağı
duz, istiot

Sousa lazımdır:
yumurta sarısı – 2 ədəd
zeytun yağı – 100 ml.
limon şirəsi – 3 x.q.
sarımsaq – 1-2 diş
xardal – 1-2 ç.q.
duz.

Hazırlanması:
Öncə sarımsaqlı suxarıları hazırlayın: bir diş sarımsağı təmizləyib bıçaqla əzin. Kiçik qaba qoyub üzərinə 2 x.q. zeytun yağı əlavə edin. 20-40 dəqiqə mikrodalğalı sobaya qoyun. Nəticədə yağ və sarımsaq qızacaq və sarımsaq öz ətrini yağa verəcək.
Batonun qabığını kəsib çörəyi kiçik dördbucaqlar formasında doğrayın. Formaya bərabər yayıb üzərinə sarımsaqlı yağı çiləyin. 150 dərəcə qızdırılmış sobada 20-40 dəqiqə, azca qızarana kimi bişirin. Hazır suxarıları soyudun.

Sousu hazırlayın:
Yumurtanı qaynara düşdükdən sonra 5 dəqiqə qaynadın. Soyudub soyun. Yumurta sarısını, xardal və sarımsaqəzəndən keçirilmiş sarımsağı yaxşıca qarışdırın. Limon şirəsi, azca duz əlavə edib qarışdırın. Qarışdıra-qarışdıra tədricən zeytun yağı tökün. Bu mərhələdə sous tam qarışmaya bilər, belə olduqda bir müddət saxlayın.

Toyuğun döş ətini uzununa iki nazik dilimə bölün. Duzlayıb istiotlayın.
Tavada təxminən 1 x.q. zeytun yağı qızdırın.
Orta alovda toyuğun hər üzünü 4-5 dəqiqə qızardın.
Sousu çəngəllə yaxşıca çalın ki, bütün ərazaqlar tam qarışsın.

Salatı düzəldin:
Kahını yuyun, qurudub əlinizlə doğrayıb boşqaba tökün.
Üzərinə sarımsaqlı suxarıları və dilimlənmiş toyuğu tökün.
Parmezan pendirini tərəvəz bıçağı ilə nazik dilimləyib salata qatın. Sous tökün.

Sonda Çerri pomidorlarını 4 yerə bölüb salata əlavə edin.
Toyuqlu “Sezar” salatı hazırlanan kimi süfrəyə verilir. Nuş olsun!

info@idol.az

Qiymətləndir
İlk şərh yazan siz olun

Şərh yazın