Home / QADINLAR  / Seks barəsində hamının inandığı yalanlar

Seks barəsində hamının inandığı yalanlar

ABŞ tibb mütəxəssisləri olan Dr Aaron E Carroll və onun araşdırmacı asistantı Rachel C Vreeman seks barəsində hamının inandığı yalanlar və əsl araşdırmalarının nəticələrini yayımlayan "Don't Put That In There" adlı kitab nəşr ediblər. Bu

cinsəllik
ABŞ tibb mütəxəssisləri olan Dr Aaron E Carroll və onun araşdırmacı asistantı Rachel C Vreeman seks barəsində hamının inandığı yalanlar və əsl araşdırmalarının nəticələrini yayımlayan “Don’t Put That In There” adlı kitab nəşr ediblər. Bu kitaba əsasən hamının inandığı lakin heç də bilindiyi kimi olmayan yalanlar bunlardır:

Ayaqları böyük olan kişilərin penisi də böyük olur
Geçmişdə həm ayaq və əl barmaqlarının həm də penis və klitorun inkişafına cavabdeh olan HOX adı verilən bir genin cavabdeh olduğu iddia edilirdi. Bu səbəbədən kişilərin ayaq ölçüləri ilə onların penis ölçülərinin əlaqəsi olduğu iddia edilsə də, heç bir aparılan müşahidə və araşdırmalar bu halı təsdiqləməmişdir.

Kişilər 18 yaşında, qadınlar isə 28 yaşında seksin pik nöqtəsində olurlar
Qadın və kişilərdə seksin pik nöqtəsi yaşlarının fərqli olması iddiası bədəndəki hormonlar üzərində edilən araşdırmalara dayanır. Kişilərdə testosteron səviyyəsinin 18 yaşlarında, qadınlarda isə ostrogenin səviyyəsinin 28 yaşlarında pik nöqtəsində olduğu təxmin edilir. Lakin son araşdırmalar onu göstərir ki, subay kişilər daha çox 30 yaşdan sonra, evli kişilər isə 40 yaşdan sonra, qadınlar isə 20 yaşından sonra daha çox seks ilə məşğul olmağa meyillidirlər.

Sekslə məşğul olaraq arıqlamaq olar
Qadın jurnallarının tez-tez iddia etdiyi kimi sekslə məşğul olmaq arıqladır iddiası şübhəlidir. Beləki, orta statistik göstəriciyə görə cinsi əlaqə sadəcə 5 dəqiqə davam edir və bu zaman kəsiyində qadın və kişilər 25-125 kalori yandıra bilirlər.

Kişilər hər 7 saniyədən bir seks barəsində fikirləşirlər
Nə qədər araşdırmalar kişilərin qadınlardan daha çox seks barəsində fikirləşdiklərini təsdiqləsə də, gün ərzində seks barəsində 6 min dəfə fikirləşmələri əfsanədən başqa bir şey deyildir.

İstridyə (dəniz ilbizi) afrodiziakdır
Qədim Yunanlardan bu günə qədər istridyənin cinsi gücü və istəyi artırdığı düşünülür. Lakin bütün araşdırmalar onu göstərir ki, çox hissəsi sudan cüzi miqdarda protein və minerallardan ibarət olan istridyənin belə bir effekti müşahidə olunmamışdır.

Ürək xəstəliyi olanlar seksdən qorxmalıdırlar
Demək olar ki, hər birimiz seks zamanı infarktdan ölənlər barəsində qorxunc hekayələr eşitmişik. Baxmayaraq ki, sağlam insanın seks zamanı infarkt keçirməsi milyonda bir hadisədir. Ürək xəstəliyi olan insanlarda da infarkt riski olduqca azdır. İnsan seks zamanı ürəyini o qədər də yükləmir.

Hamilə qalmamaq üçün dərmanlar kökəldir
Düzdü keçmişdə belə dərmanların tərkibindəki yüksək ostrogen və progestin hormonlarının olması kökəldirdisə, müasir dərman preparatlarının tərkibində bu hormonların cüzi olması kökəlməyə səbəb olmur.

Yaşlaşdıqca xayalar sallanır
Kişi yaşlaşdıqca sirr deyil ki, onun sperma istehsalı, sürəti və keyfiyyəti azalır. Lakin bir çox kişilərin inandığı kimi xayalar yaşlaşdıqca sallanmır, sadəcə balacalaşdıqları üçün onlar “sallanmış” effektini verir.

İdmandan əvvəl seks ziyandır
İdmançılara yarışdan öncə sekslə məşğul olmaq məsləhət görülmür. Lakin araşdırmalar sübut edib ki, idmandan əvvəl seks nəticələri yüksəldə bilir.

info@idol.az

Qiymətləndir
İlk şərh yazan siz olun

Şərh yazın