Home / İDMAN  / Biseps məşqlərində buraxılan 9 səhv

Biseps məşqlərində buraxılan 9 səhv

İnkişaf etmiş qolların resepti sadədir: qolların açılıb-bağlanması, açılıb-bağlanması, açılıb-bağlanması. Elə sadədir ki, korlamaq mümkünsüz görsənir. Lakin bir çoxları korlaya bilirlər. Bisepslərə məşqlər görsəndiyi kimi elə də asan deyil. Bir çox məşq zalına gedənlər çoxlu səhvlərə yol

biseps məşqləri

İnkişaf etmiş qolların resepti sadədir: qolların açılıb-bağlanması, açılıb-bağlanması, açılıb-bağlanması. Elə sadədir ki, korlamaq mümkünsüz görsənir. Lakin bir çoxları korlaya bilirlər.

Bisepslərə məşqlər görsəndiyi kimi elə də asan deyil. Bir çox məşq zalına gedənlər çoxlu səhvlərə yol verirlər. Bu məqaləmizdə 9 tipik səhv barədə məlumat veriləcək. Əgər düz məşq etsəniz, inanın ki, böyük bisepslərə çox tez bir zamanda nail olacaqsınız.

1. Düzgün məşq ilə başlayan
Bəli bəzi məşqlər ümumi məşqin startı üçün yaramırlar. Yaxşı olar ki, biseps məşqinə sırf bisepsə işləyən məşq ilə başlayasınız. Bura ayaqüstə ştanqa və ya qantellərlə işləmək daha uyğundur. Bu məşqlər zamanı sırf biseps işləyir. Üstəlik bədəninizin kiçik impulsu ilə də özünüzə kömək edə bilərsiniz, bu zaman yorğunluq daha gec gələcək. Lakin impuls məsələsində də, ehtiyatlı olmaq lazımdır, bisepsə düşən güc maksimum olmalıdır.

2. Eyni məşqlərdən qaçın
Yadda saxlayın eyni məşqlər sizə heç bir zaman uğur gətirməyəcək. Misal üçün siz ayaqüstə ştanqa məşqi ilə başlayırsız, sonra çox fikirləşmədən ayaqüstə qantellərin növbə ilə qaldırılması və sonra tros ilə qolların açılıb-bağlanmasına keçirsiniz. Əla üçlükdü, deyilmi? Deyil!

Avadanlıq dəyişsə də, işləyən əzələ eyni qalır. Nəticədə bir yerə 12 yanaşma yerinə yetirirsiniz. Bu sizə uğur gətirməyəcək. Çalışın eyni əzələ məşqlərini yerinə yetirməyin.

3. Tutma formalarını dəyişin
Tutuşun eni və tipi əzələnin aktivləşməsinə təsir edir. Misal üçün ştanqa ilə məşqdə dar tutuş zamanı siz uzun biseps əzələsini tam məşq edirsiniz isə, enli tutuş zamanı isə qısa biseps əzələsi işləyir. Beləliklə, yanaşmalarda müxtəlif tutma formalarını tətbiq edərək, maksimum nəticə əldə edə bilərsiniz. Həmçinin “çəkiç” məşqini də unutmaq olmaz. Bu məşq zamanı əlləriniz içi “üz-üzə” olur. Bu məşq çiyinaltı əzələləri məşq edir ki, bu da bisepsin daha qabarıq görsənməsinə kömək edir.

4. Əllərinizi çox yuxarı qaldırmayın
Ən çox buraxılan səhvdir. Bir çoxları qantel ilə işləyən zaman ona maksimum yuxarı qaldırmağa çalışırlar. Qantellər ilə məşq zamanı qollar bədənə bitişdirilmiş şəkildə olmalıdır. Bu zaman siz qanteli maksimum çiyin səviyyəsinə qədər qaldıra bilirsiniz. Lakin daha yuxarı qaldırmaq istəyi olan zaman, dirsəkləriniz qabağa gedir və üstəlik qabaq deltalar da işləməyə başlayır ki, bisepsə düşən güc azalır.

5. Hərəkət trayektoriyasına diqqət yetirin
İnkişaf etmək üçün planlı şəkildə çəkiləri artırmalısınız. Məşqin trayektoriyasını pozaraq, çəkiləri qaldırmağa dəyməz. Ağır çəki hərəkətin amplitudasını azaladacaq ki, biseps tam işləməyəcək. Daha kiçik çəki ilə və ya tam texniki düz edə biləcəyiniz çəki ilə məşq etməyiniz məsləhətdir. Əks halda əzələ inkişafınız passiv olacaq.

6. Kürək məşqindən öncə bisepsə işləməyin
Bəzi məşq proqramlarında dartma məşqləri (biseps və kürək) bir gündə edirlər. Bunu etmək olmaz. Biseps əzələləri kürək əzələlərinə görə kiçik olsalar da, dartınma və digər kürək məşqlərində rolları böyükdür. Yaxşı olar ki, ümumiyyətlə kürək və biseps məşqləri ardıcıl məşq günlərində belə olmasın.

7. Biseps məşqlərinə çiyinaltı məşqlərdən başlamayın
Çiyinaltı əzələləri biseps məşqlərində böyük rol oynayır. Bu əzələlər yorularsa, siz əlinizdə fincanı çətin tuta bilərsiniz, nəin ki, qanteli. Tərs tutuşlu və bilək məşqlərini axıra saxlayın.

8. Məşq intensivliyini məşq müddəti ilə əvəz etməyin
Heç bir müşahidələr daha çox məşq etməyin uğurlu olduğunu sübut etməyib. Yaxşı olar ki, biseps məşqləri maksimum 30 dəqiqə davam etsin. Düzgün məşq, çəki, interval, yanaşma və təkrarların seçimi vacibdir.

9. Düzgün texnikadan istifadə edin
Hər kəsə daha ağır çəkili məşqlərə girməyə çalışır. Ştanqaya daha çox çəki qoymaqla nəticə əldə etmək asan deyil. Bədəndən gələn kiçik bir impulsla start götürə bilərsiniz. Yanaşmadan yanaşmaya bu impulslar artacaq, çünki yorulursunuz. Lakin unutmaq lazım deyil ki, nəticədə bisepsə düşən güc minimuma enir.

Yaxşı olar ki, hərəkəti sonadək edə biləcəyiniz çəki ilə işləyəsiniz. Bu zaman siz yalnız bisepsinizin gücü ilə çəkini qaldıracaqsınız və bunun effekti daha çox olacaq. Həmçinin unutmayın ki, ağır çəki ilə işlədiyiniz zaman bel zədəsi ala bilərsiniz. Bu isə idmanla bəzən tamamilə vidalaşmaq ilə nəticələnə bilər.

info@idol.az

Qiymətləndir
İlk şərh yazan siz olun

Şərh yazın