Əsl kişinin 8 qaydası

əsl kişi

əsl kişi

Əsl kişi xarakterindən danışırıq. Hər kəs öz fikir və məqsədlərində fərqli ola bilər, lakin bizləri aşağıdakı səkkiz qayda birləşdirməlidir.

№1. Məqsəd
Əsl kişi daim nəyə doğru getməli olduğunu bilir. Onun məqsədi var və ona nail olmağın yollarını bilir. O, lazımsız işlərə vaxt ayırmır, maddi stabilliyin, ailə və sevdiyi işinin olmasının lazımlılığının fərqindədir.

№2. Söz = iş
Qısası “Kişi Sözü” kəlməsinin mənasını başa düşür. Belə kişilər yalnız fiziki güclü olanlar deyil. Onlar güclü iradəyə sahibdir, heç bir zaman şikayət etmirlər və atdığı addımlardan şübhələnmir. Səhvini boynuna almaqdan qaçınmır, gərarlar qəbul edən də onlara riayət edir və lazım gəlincə məqsədə gedən yolda dəyişikliklər etməyi bacarır. Çox danışmır, təmkinlidir. Özünə və ailəsinə görə cavabdehlik daşıyır.

№3. Yaxınlara münasibət
Əsl kişi daim qohum və yaxınlarının maraqlarını qoruyur. Onun ailəsi – yalnız həyat yoldaşı və övladları deyil, həmçinin valideyinləri, qardaş və bacılarıdır. Onlar daim ona inanır və güvənirlər.

№4. Söz söhbətə yox
O heç bir zaman ortaya söz atmır. Lovğalanmır və boş boş danışmır. Masa kənarında söz demir və tanımadığı insanları qiymətləndirmir.

№5. Vədlər
Əsl kişi daim verdiyi vədləri yerinə yetirir. Artıq danışmır və ağzından söz alınmasına imkan vermir. Kömək edə bilməyəcəyi məsələdə vəd vermir. Şərəf onun üçün pul və zamandan dəyərlidir.

№6. Аdı sanı
O hər kəsin idoludur, bunu istəməsə belə. Uşaqlar ona oxşamaq istəyir, iş yerində adı sanı sarsılmazdır. Bununla belə, hər yerdə öz üstünlüyünü ortaya qoymur, əksinə hərəkətləri ilə örnək olur.

№7. Pul
Əsl kişi pulunu elə xərcləyir ki, onun miqdarı daim artır. O, borca pul istəmir və daim özü qazanır.

№8. Görkəm
Həmişə baxımlıdır, səligəlidir və ciddidir. Bununla belə, heç də özündən razı deyil. Dostcasına davranır və insanlar üçün fəth edə bilinməyəcək qala deyil. Onun özünə əminliyi və gərarlılığı pozitiv insaları cəlb edir və bu da ona həyat yolunda daim kömək olur.

Corcio Armani: dəbə aid 10 fikir

Giorgio Armani

Giorgio Armani

İtalyan modelyer, şəxsi moda imperiyası olan Corcio Armani (Giorgio Armani) dəbli görsənməyin sirrləri ilə bölüşüb. Aramani ayaqqabıda xəsislik etməməyə, gözəl ətirlənməyə və geyimlərin qışqırdıcı rənglərdə olmamasına çağırır.

Start
Armani 1980-ci ildə yayınlanmış “American Gigolo” filmi ilə məşhurlaşıb. Baş rolda oynayan aktyor Riçard Gir yalnız Armani markası ilə geyinmiş və olduqca dəbli görkəmə sahib olmuşdur. Bu filmdən sonra kişilər məhz Riçard kimi görkəmə sahib olmaq istəyirdilər. Yəni pencək, şalvar, köynəklər və qalsutklar Armanidən olmalı idi.

“Zərif olmaq — gözə girmək deyil, yaddaşlarda qalmaqdır.” — C.Armani.

Harmoniya, mükəmməllik, minimalizm
Geyimin ərsəyə gəlməsində Armani bütün gücünü tikişlərin mükəmməl, parçaların yumuşaq və hər şeyin minimalizm dəbində olmasına sərf edir. Paltarlarda sakit zəriflik və onu geyinən ilə harmonik birliyi vardır.

“Görkəm və dəb arasında fərq — keyfiyyətdədir”.

Ayaqqabı
“Ucuz ayaqqabı – doğru olmayan qənaətdir. Əsas şeydə qənaət etməyin, beləki, ayaqqabı sizin qarderobunuzun əsasıdır.” — Corcio məsləhət verir.

Özünüz olun
Armani hündür və gözə çarpan buruna sahib olmaq istəyib. Lakin reallıqda bu belə olmayıb. Buna görə modelyer olan ilə barışmalı və kifayətlənməli olub.

“Seksual görkəm – özünüzə olan əminliyin ekvivalentidir. Həm zəkanıza, həm də bədəninizə güvənin.” – Circio Armani.

Zəriflik
Armani çox sevinir ki, zərif olmaq bugün yenə də dəbdədir. Onun fikrincə zəriflik – zamanla korlanmayan görkəminin açarıdır. Bu elə bir açardır ki, heç bir zaman dəbdən düşməyəcək və onsuz dəb olmayacaq.

Armaninin özəlliyi
Armanini dəb dünyasında niyə sevirlər? Modelyer dəb industriyasının yeni standartlarını yaradıb. O, artıq bəzəkləri yığışdırıb, işgüzar və gecə geyimlərinə idman üslubunu əlavə edib, yaratdığı xüsusi azad dəb müasir kişi və qadınların qarderoblarını təyin edir. Onun yaratdığı geyimlər rahat, geniş və eyni zamanda zərifliyini itirməyəndir.

Bədən quruluşu üçün
“Qara və tünd göy rəngləri ən yaxşı insanı fit göstərənlərdir. Bu rənglər sizləri heç bir zaman eybəcər göstərməyəcək”.

Ətir
“Düzgün seçilmiş ətir sizin fərqləndirici xüsusiyyətiniz ola bilər. Ətir, insanların siz otağa girdiğinizdə ilk və çıxdığınızda son hiss etdikləridir”.

Rəng
“Neytral rəngli, parlaq naxışsız parçalar seçin – onlar dəb baxımından daha uzunömürlü olacaqlar.”

Səliqəsizlik
Dizayner yolun başında artıq bütün bəzəklərdən imtina edərək, minimalizmə üstünlük vermişdir. Armani görkəminin fərqləndirici xüsusiyyəti səliqəsizlik olmuşdur. Yumuşaq parça və geniş kəsim geyimləri daha sevimli və rahat etmişdir. Buna riayət etsəniz sizin görkəminiz yalnız sizə həzz verməyəcəkdir.

Dörd ildə zibil atılmayan evdən “UNPACKED” adlı foto seriya

zibil_1

2011-ci ildə fotoqraf Antonie Repesse radikal bir qərar verərək evdəki zibilləri atmamaq qərarına gəlir.

Repesse marketdən evə daxil olan plastik su qablarından qazetlərə hər şeyi dörd il ərzində evdə saxlayır. Fotoqrafın bunun nəticəsi olaraq #365 Unpacked foto seriyasını ortaya çıxırarır. Foto seriyanın məqsədi həm də insanların istehlakdakı rolunu göstərmək idi.

Fransanın Lille şəhərində yaşayan sənətkar, dörd ilin axırında evində 70 kub metr (1.600 süd qutusu, 4.800 tualet kağızı, 8000 kq qazet) zibil yığmış oldu. Bunun ardından yığılan zibillər təyinatına uyğun olaraq evin fərqli yerlərinə bölünür. . “Məqsədim işimə estetik gözəllik qazandırmaq idi” deyən fransız fotoqraf bununla da şəkillərin daha təsirli alındığını deyir.

Fotoqraf Antonie Repesse bu foto seriya ilə həm də qlobal istişləşməyə və insanın ekoloji fəlakətdəki roluna da diqqət çəkməyə çalışıb. Fransa kimi bir çox Avropa ölkəsi qlobal istiləşmənin qarşısını almaq üçün plastik istifadəsinə müəyyən məhdudiyyətlər hətta qadağalar qoyur.(pahoo.az)

zibil_1















Evdə hazırlaya biləcəyiniz Fıstıq Əzməsi

fıstıq əzməsi

fıstıq əzməsi

Bahalı şokolad yağları və kremlərinə artıq pul xərcələməyə dəyməz. Özünüz də evdə fıstıq əzməsi hazırlaya bilərsiniz.

İdmanla əlaqəli olan hər bir şəxs bilir ki, fıstıq əzməsi – əzələləri qidalandıran və bərpasını sürətləndirən enerji mənbəyidir. Fıstıq əzməsi 77% doymamış yağ turşularından, nadir E və F vitaminlərinin birləşmələrindən ibarətdir. Bu hələ B2, B3, B6, C, B5 və digər xeyirli vitamin və mineralları hesaba almasaq.

Həmçinin fıstıq əzməsi arıqlamağa kömək edir, günəş bronzlaşmasını saxlayır və hətta zehni fəaliyyəti yaxşılaşdırır. Onun bahalı olması insanları rahatsız etdiyi üçün, biz sizlərə evdə hazırlanmasını təqdim edirik.

Lazım olanlar

* 2 stəkan duzlu olmayan təmizlənmiş fısdıq;
* 1 xörək qaşığı yağ (bitki, kərə və ya fıstıq);
* yarım çay qaşığı duz (istəyə görə az və çox ola bilər);
* 1 xörək qaşığı bal;
* yarım çay qaşığı darçın.

Hazırlanması: Bütün qeyd olunanları blenderlə əzin. Qarışım ceməbənzər bir kütləyə çevrilməlidir. Daha sonra soyuducuda gözlədin və istifadə edə bilərsiniz.

Alınan məhsulun 100 qramında:

* 229 kkal;
* 19,9 qr yağ (0 qr xolesterin);
* 147,1 mq natriy;
* 7,9 qr karbohidrat;
* 8,6 qr zülal var.

Qadını anında ehtiraslandıran 5 şey

qadın orqazmı

qadın orqazmı

Xeyir, bu nə kürk, nə Mercedes, hətta brilliantlar deyil.

Alimlər yenidən sorğu keçiriblər. Sorğuda 18-94 yaş arası 1055 qadın iştirak edib. Məqsəd qadınların ən çox nədən ehtiraslandıqlarını öyrənməkdir.

Diqqət, nəticə:

yer №5 — masaj (45,5%);
yer №4 — seks barədə ehtiraslandıran söhbətlər (46,7%);
yer №3 — öpüşlər (49,2%);
yer №2 — qucaqlaşmalar (62,5%);
yer №1 — seks özü (69,9%).

Daha bir vacib nəticə vaginal seks barədə olub. Beləki, sorğuda iştirak edən qadınların yalnız 18,4% əlavə stimulyasiyasız vaginal seksdən orqazm olduqlarını açıqlayıblar.

Və bir neçə alınan nəticələr haqqında:

sırf klitor orqazmını 36% qadın keçirir;
klitorun stimulyasiyası 42% hallarda hissləri daha da coşdurur;
90% halda qadınlar seks zamanı müxtəlif hisslər keçirir;
10,8% halda qadınlar seks zamanı eyni hisslər keçirirlər.

Çıxan ən böyük nəticə, əlbəttəki, ön sevişmənin önəmidir.

Məşqdən sonra duş qəbulunun sağlamlığa təsiri

məşqdən sonra duş

məşqdən sonra duş

Məşqdən sonra duş qəbulu bilindiyi kimi lazımlı olmaya da bilər.

Çox məşq edib, tərləyib və dərhal sonra duş qəbul edirsiniz? Bu məntiqli görsənsə də, hər gün duş qəbulu dərinizin müdafiə təbəqəsinə zərər verir və dərinizdəki bakteriyaların tarazlığı pozulur. Beləki, bir çox dəri xəstəlikləri məhz “xeyirli bakteriyaların” azlığından irəli gəlir.

Göbələk xəstəliyi kimi təhlükələr olan idman zallarında duş qəbulu həqiqətən təhlükəsizdirmi? Bəli, əksər hallarda cavab “bəli, təhlükəsizdir” olmalıdır, lakin hər səfərində bundan qaçmaq üçün də bir neçə səbəb var.

Həddindən artıq təmizlik və duş qəbulu bizim dərimizi lazımı bakteriyalardan təmizləyir. Nitrosomonas eutropha (amonyak oksidlədici bir bakteriya) bir zamanlar dərimizdə olsa da, onu məhv etməyə başlamışıq. Elm adamlarının sözlərinə görə bu bakteriyalar tərimiz ilə qarışıb nitrit və nitrik oksidinə çevrilərək bizim dərimizi təmiz qalmasına, həzmin yaxşılaşmasına və həmçinin iltihablardan qarşısının alınmasına kömək edirdi. Müasir insanlarda bu bakteriyalar yoxdu, alimlər bunları yalnız Amazon Aborogenlərində tapıblar. ABŞ’ın bəzi sabun istehsalçıları probiyotik mikroorganizmləri artıq sabunların tərkibinə əlavə etməyə başlayıblar.

Dərinizdəki bakteriya tarazlığını saxlamaq naminə məşqdən sonra duş almağı azaltmaq üçün bəzi məsləhətlər təqdim edirik.

Duş qəbulunu azaltmaq üçün

Qaçış və yüngül kardiodan sonra: məsləhətimiz, sadəcə ağırlıqlarla işlədiyiniz günlərdə duş qəbul edəsiniz. Yüngül qaçış duş qəbulunu labüd etmir.

Evdə məşqdən sonra: Çox kirlənmədiğiniz halda hər səfərində duş qəbul etməyiniz vacib deyil. Sadə, sabun və şampunsuz duş qəbulunu da seçə bilərsiniz. Hər gün məşq etmirsiniz isə gün aşırı duş qəbulu daha uyğundur.

İdman zalından sonra: İdman zalında məşqdən sonra duş qəbulu məcburi görünsə də, bəlkə də həmişə gərəkli olmaya bilər. İnfeksiya riskini azaltmaq üçün trenajorları dəsmalınız ilə silə bilərsiniz. Həmçinin dəsmal sizi trenajorlar ilə birbaşa təmasdan qoruya bilər.

Sabun haqqında bir iki söz

Əslində duş qəbulunun tezliyi yox, antibakteriyal sabunlardan istifadə tezliyi önəmlidir. Bu sabunların tərkibində olan triklosan hormon dəyişikliklərinə səbəb olur ki, bunlara sperma da daxildir. EMBO Reports’da 2014cü ildə nəşr edilən bir araştırmada triklosanın spermadakı kalsiy səviyyəsinin artırdığı və onların hərəkət davranışları və keyfiyyətini aşağı saldığını aşkar edilmişdir.

Antibakteriyal sabunlar etibarlı və təsirli olmurlar. Adi iysiz kastil sabunlar da zərərli orqanizmləri məhv etməyə qadirdilər. Lakin məqsədiniz daha yaxşı bakteriyal tarazlıqdırsa, probiyotik sabunlardan istifadə edə bilərsiniz.

Split-məşqin əsas qaydaları

split məşq

split məşq

“Split-məşq” termini ingilis dilindən götürülmə sözdən “split” – bölmək deməkdir. Split – məşq proqramını hissələrə bölmək və onları yalnız o günlər yerinə yetirmək üçün istifadə olunur.

Split-məşqin üstünlükləri

Professionallar məşq yükünü bölürlər. Split-məşq daha az enerji sərfi ilə daha böyük nəticələr gətirə bilər. Sizlər Zalda daha az vaxt keçirəcəksiniz.

Əgər siz bir gündə bütün əzələ kütləsinə işləyirsiniz isə, bu sizdə ən az 2 saat vaxt tələb edir. Qısa günlük məşqlər isə bu üstünlükləri təqdim edir: yüksək intensivlik, daha yaxşı konsentrasiya, daha çox enerji və güc, bədən yorğunluğu riskinin azalması. 45-60 dəqiqəlik məşq sizin nə vaxtınızı alır və eyni zamanda əzələləriniz bərpa və böyümə üçün daha uzun müddət əldə edirlər.

Split-məşqi necə qurmaq lazımdır

Zəif olduğunuz tərəfləri müəyyənləşdirin

Genetika və bədən quruluşunuzdan asılı olaraq, sizin baldır əzələləriniz böyük, sinə əzələləriniz kiçik ola bilər. Bu zaman split-məşq həftəsini məhz sinə məşqindən başlamaq və ayaq məşqi ilə həftəni yekunlaşdırmaq lazımdır. Zəif əzələ qruplarını ilk günlərdə, inkişaf etmişləri isə son günlərdə işlədin. Bu zaman geridə qalan əzələ qruplarına daha çox enerjiniz qalacaq.

Çoxdan aza işləyin

Ən böyük əzələlər ayaq, kürək və sinə nahiyələrində yerləşir. Əgər split-məşqi seçmisiniz isə, ilk olaraq bu qrup əzələləri işlətməlisiniz. Daha sonra az əzələ kütlələrinə keçin: çiyin, biseps və triseps. Bu əzələlər baza məşqlərində dəstəkçi əzələ rolunu oynayırlar. Bu əzələləri yorduqdan sonra sinəyə, ayağa və kürəyə istədiyiniz kimi məşq edə bilməyəcəksiniz. Misal olaraq, bugün kürək və biseps məşqləriniz varsa, ilk öncə kürəkdən başlamalısınız.

Daha çox istirahət edin

İstirahət məşq qədər vacibdir. Əksər professional bodibilderlər 8-10 saat yuxu yatırlar. Yadınızda saxlayın ki, anabolik hormon səviyyəsi dərin yuxuda pik nöqtəsinə çatır.

İntensivliyi yüksək tutun

Məqsəddən asılı olmayaraq, intensivliyi yüksək tutun. Split-məşqin məqsədi – əzələ liflərini dağıtmaqdır ki, onlar bərpa zamanı daha da böyüyürlər. Əgər güc üçün məşq edirisiniz isə 6-8 təkrar kifayətdir, lakin daha iyi forma almaq məqsədinizdir isə, təkrarların sayını artırmalısınız. İstənilən halda intensivliyi saxlamağa çalışın.

Əzələ artması üçün istirahət günlərinin sayı məşq günlərindən sayından daha çox olmalıdır. Tələsmək lazım deyil.

Qeyd etmək laızmdır ki, split-məşq sistemi qadınlara uyğun deyil. Qadınlar az bir şəkildə bütün bədənə işləməlidirlər.

Dördgünlük split-məşq proqramı

Bazar ertəsi
* Maili trenajorda dirsəkləri dirəyərək bisepslərə işləmək – 3 yanaşma 10 təkrar;
* Maili oturacaqda tərs uzanaraq qantellər ilə sinəyə jim – 3-5 yanaşma 6-8 təkrar;
* Maili oturacaqda başı yuxarı uzanaraq qantellər ilə sinəyə jim – 3-5 yanaşma 6-8 təkrar;
* Uzanaraq sinəyə ştanqa ilə jim – 3-5 yanaşma 6-8 təkrar;
* Ayaqüstə tərs tutuşla ştanqa ilə bisepsə işləmək – 5 yanaşma 10 təkrar;
* Başın arxasına qantellər ilə qolların açılıb bağlanması – 3-5 yanaşma 8-10 təkrar;
* Maili oturacaqda çəkic məşqi – 3 yanaşma 10 təkrar;
* Skott trenajorunda hər bir ələ ayrı-ayrı qantellə işləmək (biseps) – 3 yanaşma 10 təkrar;
* Pres əzlələrinə yerdə bükülmələr – 5 yanaşma 15-20 təkrar.

Çərşənbə
* Trenajorda ayaqların yanlara açılması – 3 yanaşma 6-8 təkrar;
* Qantellərlə önə düşmələr (ayaq əzələləri) – 3 yanaşma 6-8 təkrar;
* Barmaqlar üzərinə ağırlıqla qalxmaq (ayaq əzələsi) – 5 yanaşma 15 təkrar;
* Maili oturacaqda ayaqların qaldırılması (qarın əzələləri) – 5 yanaşma 15-20 təkrar;
* Ştanqa ilə dərin çömbəlmələr – 3-5 yanaşma 6-8 təkrar.

Cümə
* Ayaqüstə fransız jimi – 5 yanaşma 6-8 təkrar;
* Qantellər ilə yanlara əyilmələr (qarın əzələləri) – 5 yanaşma 20-30 təkrar;
* Maili oturacaqda üzü üstə uzanaraq əlləri qantel ilə arxaya yanlara açılması – 3-5 yanaşma 8 təkrar;
* Ayaqüstə qolların qantellər ilə ardıcıl önə və yanlara qaldırılması – 3-5 yanaşma 8 təkrar;
* Yan bükülmələr (qarın əzələləri) – 5 yanaşma 15 təkrar;
* Ayaqüstə boynun arxasına ştanqa ilə jim – 5 yanaşma 6 təkrar;
* Oturaraq qolların qantellər ilə yanlara açılması – 3-5 yanaşma 8 təkrar;
* Əllərin qantel ilə arxaya açılması (triseps) – 5 yanaşma 10 təkrar;
* İki əllə qanteli başın arxasına salıb qaldırılması (triseps) – 3-5 yanaşma 10 təkrar.

Şənbə
* Skott trenajorunda EZ ştanqa ilə bisepsə məşq – 3-5 yanaşma 10 təkrar;
* Ayaqüstə ştanqanın bisepslərə qaldırılması – 5 yanaşma 10 təkrar;
* Əyilərək qantellərin kürəyə qaldırılması – 3-5 yanaşma 8 təkrar;
* Dar tutuşla uzanaraq jim (triseps) – 5 yanaşma 6-8 təkrar;
* Enli tutuşla boynun arxasına dartınma – 5 yanaşma 10 təkrar;
* Düz ayaqlar üstündə yerdən qaldırma hərəkəti – 5 yanaşma 6 təkrar;
* Ayaqüstə qanteli sinəyə qaldırma (çiyin) – 3-5 yanaşma 8 təkrar;
* Maili oturacaqda tərs uzanaraq EZ ştanqası ilə fransız jimi (triseps) – 3-5 yanaşma 10 təkrar.

Dünyanın ən bahalı bank kartları

bank cards

bank cards

Dəbdəbəli həyat sürürsünüzsə, hesabınızdakı məbləğ isə milyonlarla ölçülürsə, dünyanın ən eksklüziv bank kartlarından birininin sahibi olmaq, həmçinin bir sıra güzəşt və imtiyazlardan yararlanmaq şansınız böyükdür. Adətən belə kartları varlı müştərilərinə bankın özü təklif edir.

1. J.P. Morgan Palladium Card

JPMorgan Chase bankı Palladium Card kartını 2009-cu ildə xüsusi müştərilərin tələbatlarını qarşılamaq məqsədilə təqdim etmişdi. Bu kartdan istifadə etmək təklif edilən J.P. Morgan müştərilərinin əksəriyyəti bankın nəzarəti altında 10 milyon dollardan az olmayaraq vəsaitə və hesabda orta hədlə 100 milyon dollara malik olmalıdır.

J.P. Morgan Palladium Card ABŞ-ın EMV texnologiyası (çip) ilə təchiz edilmiş ilk kredit kartlarından biridir. Kart metal konstruksiyaya və palladium örtüyə malikdir. Çəkisi isə təqribən 28 qramdır ki, bu da onu digər adi plastik kartlardan 5 dəfə daha ağır edir. 2016-cı ilin sentyabr ayında Palladium Card-ın adı J.P. Morgan Reserve Card olaraq dəyişdirildi. Bu kart öz sələfindən xarici görünüşcə fərqlənməsə də, bir sıra əlavə üstünlük və imtiyazlara sahibdir.

J.P. Morgan Palladium Card sahibləri ildə 595 dollar komissiya haqqı ödəyirdilər. Rebrendinqdən sonra J.P. Morgan Reserve Card sahibləri ildə 450 dollar ödəyir. Bununla belə, beynəlxalq ödənişlər, vaxtı keçmiş ödənişlər, vəsaitlərin qaytarılmasına görə istənilən komissiya haqqından azaddırlar, kredit limiti isə sonsuzdur.

2. Coutts World Silk Card

“İpək” karta sahib olmaq üçün hesabınızda 1 milyon Amerika dollarına sahib olmağınız kifayətdir. Üstəlik, bu pullar Coutts – yəni kraliça II Yelizavetanın şəxsi bankında açılmış hesabda yerləşdirilməlidir. İllik faiz dərəcəsi hər bir müştəri üçün fərdi olaraq təyin edilir. Kart sahibi bonus olaraq əsl VIP müştərilər üçün nəzərdə tutulmuş mağazalara giriş əldə edəcək. Dünyada yalnızca 100 şəxsi Coutts World Silk Card kartına sahibdir.

3. Dubai First Royale Mastercard

Bu kart sözün həqiqi mənasında qiymətlidir. Kartın kənarı qızıl ilə haşiyələnib, üz tərəfində isə brilyantlar yerləşdirilib. Sözügedən bu kart xüsusi seçilmiş şəxslərə təqdim edilir və Dubayın elit icmasının nümayəndələri üçün əlçatandır. Kartın hər 200-cü istifadəçisi sonsuz kredit limiti, lüks xidmət və şəxsi menecer əldə edir.

4. American Express Black Card Centurion

Bu kartın buraxılması 7500 dollar, sonrakı xidmətlər isə ildə 2500 dollar tələb edəcək. Kartın sahibi ildə bu kart ilə 250 000 dollardan az olmayan miqdarda vəsait xərcləməlidir. American Express Black Card Centurion kartının bütün sahibləri Amerika hava limanlarında Centurion-un xüsusi zallarına giriş, partnyor olan istənilən mehmanxana və yaxud restoranda otaq və masa bronu, aviareys biletlərinin bronu və s. imkanlar əldə edirlər.

5. Stratus Rewards Visa

Daha əvvəlki kartlar premium qara rəngdə buraxılırdılarsa, Stratus Rewards Visa kartı ağ rəngi sevənlərin daha çox könlüncə olacaq. Əlbəttə ki, bu kartı da çox zəngin insanlar xüsusi təklifdən sonra əldə edə bilərlər. Kartın illik xidmət haqqı 1500 dollardır. İstifadəçi bunun qarşılığında bir sıra imtiyaz əldə edəcək. Belə ki, müştəri yığılmış bonusları şəxsi təyyarədən istifadə etmək, mehmanxanaların bron edilməsi zamanı endirim əldə etmək, ən yaxşı stilistlər ilə məsləhətləşmələr etmək və s. ilə mübadilə edə bilər.

6. Citigroup Black Chairman Card

Citigroup Black Chairman Card kartını yalnızca Citigroup özəl bankının müştəriləri və investisiya qrupunun iştirakçıları əldə edə bilər. İllik xidmət haqqı 500 dollar, kredit limiti isə 300 000 dollar təşkil edir. Kart sahibləri üçün nəzərdə tutulmuş digər imtiyazlar bonuslar, VIP-zallara giriş və s.dir.

7. NatWest Black Mastercard

NatWest Black Mastercard həmçinin dünyanın ən çox arzulanan kartlarından biridir. Bu isə ona görədir ki, kartın kredit limiti 1,5 milyon dollara qədər artırılıb. İllik xidmət haqqı isə cəmi 395 dollardır. Bundan əlavə, kart sahibləri bonus və endirimlər, VIP-zallara giriş və dünyanın istənilən nöqtəsində sutkalıq xidmət imkanı əldə edirlər.

8. Merrill Accolades American Express Card

Əldə edilməsi çətin olan digər bir “qara” kart. Məsələ ondadır ki, bu kartın sahibi hesab balansı 250 000 dollardan az olmayan Merrill Lynch müştərisi olmalıdır. Yalnız bundan sonra həmin şəxsə kartla bağlı təklif göndərilə bilər. Lakin gəlməyə də bilər.

Kartın illik xidmət haqqı 295 dollardır. Merrill Accolades American Express Card sahibi üçün 500 000 dollar həcmində kredit limiti nəzərdə tutulub və bu hələ ki, başlanğıcdır. Həmçinin, kart sahibinə şəxsi təyyarələrdə uçuşlara, eksklüziv otellərə endirim və sutkalıq konsierj xidmətindən yararlanmaq imkanı verilib.

9. Mastercard Black Card

Mastercard şirkətinin eksklüziv qara rəngli kartı paslanmaz poladdan, karbondan hazırlanıb və patentləşdirilmiş dizayna malikdir. İllik xidmət haqqı 495 dollardır. Mastercard Black Card kartının sahibi xüsusi imtiyazlar, məşhur lüks brendlərindən hədiyyələr əldə edir. Həmçinin kart sahibləri xüsusi olaraq Mastercard Priceless eksklüziv loyallıq proqramında iştiraka dəvət olunur.

10. Citi Prestige Card

Fəal səyahətçilər üçün yaradılmış Citi Prestige Card xərclənmiş hər bir dollar üçün bal qazanmağa imkan verir. Həmçinin kart sahibləri səyahətçilər üçün uçuş xərclərini qarşılamaq üçün illik 250 dollar həcmində bonus da daxil olmaqla xüsusi imtiyazlardan yararlanmağa imkan verir. Kartın illik xidmət haqqı 450 dollardır.(banker.az)

Güc və testosteron: saqqalın 7 müsbət tərəfi

saqqal və kişi

saqqal və kişi

Səmanı ulduzlar, qadınları saç düzümü, kişiləri isə saqqal bəzəyir. Saqqal – hər bir kişi üçün “must have” rolunu oynayır.

Saqqal = güc

Gür saqqal kişidə testosteronun lazımı səviyyədə olmasına işarətdir. Bu kişilər sağlamdır, güclüdür və mükəmməl potensiyaya malikdirlər.

Saqqal = davada yardımcı

Üzünüzə zərbə gələ bilər? Saqqal saxlayın: zərbə və alacağınız zədələri yumuşaldır. Üstəlik saqqal ilə daha güclü görkəmə sahib olacaqsınız. Bir çox dələduzlar gür saqqallı kişilərdən çəkinirlər.

Dəbli görkəm

Saqqal saxlayacaqsınız – daha dəbli görkəmə, cazibədar və özünə əmin görkəmə sahib olacaqsınız. Qadınlar da belələrini sevir.

Saqqal = kreativlik

Bir çox proqressiv, kreativ və azadlığı sevən kişilər saqqallı olub və olmaqdadırlar. Misal olaraq: Karl Marks, Ernesto Çe Gevara, Fidel Kastro və sair

Saqqal = isti

Pis hava, soyuq və ya yandırıcı günəş – sizin üzünüz saqqal ilə tam təhlükəsizlikdədir.

Saqqal = çatışmamazlıqların görsənməməsi

Əgər təbiət sizin üzünüzü gözəl yaratmayıbsa, saqqal saxlayın və çatışmamazlıq, defektləri gizlədin.

Qadını seksə aparan hormon – alimlər

qadın hormonu

qadın hormonu

Böyük Britaniya və Kaliforniya Universitetlərinin birində araşdırma aparılmışdır. Nəticədə qadını seksə aparan hormon aşkar edilmişdir.

Araşdırmada 375 qadın iştirak edib. Araşdırma 3 etapdan ibarət olub və onlar hər biri ayrı ayrı sessiyalara bölünüb.

Gedişad

Qadınlar kiminləsə münasibətə başlayan (və ya başlamayan) kimi müəyyən testdən keçirdilər. Burada qadınlar öz seksual istəklərini qeyd edirdilər. Həmçinin ekspertlər qadınlardan tüpürcək nümunələri götürürdülər – cinsi hormonların səviyyəsini ölçmək üçün.

Menstrual sikl və hormonlar

Deyilənə görə qadınların seks istəyi menstrual sikldən asılıdır. Və bu bir neçə hormonun səviyyəsini artırır:

* estradiol;
* progesteron;
* testosteron.


Lakin menstrual siklin qadınlarda seks istəyi ilə əlaqəsini alimlər yenə də sübut edə bilməyiblər. Bunun üçün bu fərziyyədə dayanmağa sübut yoxdur.

Hormonlar ilə məsələ isə daha asandır. İlk növbədə hansı hormonun nəyə təsir etdiyinə baxaq:

* Estradiol– cinsi orqanların funksiyalarına.
* Progesteron – qadın xəstəliyi və hamiləyin baş verməsinə cavabdehdir.
* Testosteron – ümumiyyətlə qadını kişi edir.

Nəticə

Qadının seks istəyində testosteron heç bir rol oynamır. Progesteron qadınlarda ümumiyyətlə cütləşmə istəyini məhv edir. Estradiol isə əsas və aktiv qadın hormonudur. Məhz bu hormon qadında seks istəyini artırır.