Evdə hazırlaya biləcəyiniz Fıstıq Əzməsi

fıstıq əzməsi

fıstıq əzməsi

Bahalı şokolad yağları və kremlərinə artıq pul xərcələməyə dəyməz. Özünüz də evdə fıstıq əzməsi hazırlaya bilərsiniz.

İdmanla əlaqəli olan hər bir şəxs bilir ki, fıstıq əzməsi – əzələləri qidalandıran və bərpasını sürətləndirən enerji mənbəyidir. Fıstıq əzməsi 77% doymamış yağ turşularından, nadir E və F vitaminlərinin birləşmələrindən ibarətdir. Bu hələ B2, B3, B6, C, B5 və digər xeyirli vitamin və mineralları hesaba almasaq.

Həmçinin fıstıq əzməsi arıqlamağa kömək edir, günəş bronzlaşmasını saxlayır və hətta zehni fəaliyyəti yaxşılaşdırır. Onun bahalı olması insanları rahatsız etdiyi üçün, biz sizlərə evdə hazırlanmasını təqdim edirik.

Lazım olanlar

* 2 stəkan duzlu olmayan təmizlənmiş fısdıq;
* 1 xörək qaşığı yağ (bitki, kərə və ya fıstıq);
* yarım çay qaşığı duz (istəyə görə az və çox ola bilər);
* 1 xörək qaşığı bal;
* yarım çay qaşığı darçın.

Hazırlanması: Bütün qeyd olunanları blenderlə əzin. Qarışım ceməbənzər bir kütləyə çevrilməlidir. Daha sonra soyuducuda gözlədin və istifadə edə bilərsiniz.

Alınan məhsulun 100 qramında:

* 229 kkal;
* 19,9 qr yağ (0 qr xolesterin);
* 147,1 mq natriy;
* 7,9 qr karbohidrat;
* 8,6 qr zülal var.

Qadını anında ehtiraslandıran 5 şey

qadın orqazmı

qadın orqazmı

Xeyir, bu nə kürk, nə Mercedes, hətta brilliantlar deyil.

Alimlər yenidən sorğu keçiriblər. Sorğuda 18-94 yaş arası 1055 qadın iştirak edib. Məqsəd qadınların ən çox nədən ehtiraslandıqlarını öyrənməkdir.

Diqqət, nəticə:

yer №5 — masaj (45,5%);
yer №4 — seks barədə ehtiraslandıran söhbətlər (46,7%);
yer №3 — öpüşlər (49,2%);
yer №2 — qucaqlaşmalar (62,5%);
yer №1 — seks özü (69,9%).

Daha bir vacib nəticə vaginal seks barədə olub. Beləki, sorğuda iştirak edən qadınların yalnız 18,4% əlavə stimulyasiyasız vaginal seksdən orqazm olduqlarını açıqlayıblar.

Və bir neçə alınan nəticələr haqqında:

sırf klitor orqazmını 36% qadın keçirir;
klitorun stimulyasiyası 42% hallarda hissləri daha da coşdurur;
90% halda qadınlar seks zamanı müxtəlif hisslər keçirir;
10,8% halda qadınlar seks zamanı eyni hisslər keçirirlər.

Çıxan ən böyük nəticə, əlbəttəki, ön sevişmənin önəmidir.

Məşqdən sonra duş qəbulunun sağlamlığa təsiri

məşqdən sonra duş

məşqdən sonra duş

Məşqdən sonra duş qəbulu bilindiyi kimi lazımlı olmaya da bilər.

Çox məşq edib, tərləyib və dərhal sonra duş qəbul edirsiniz? Bu məntiqli görsənsə də, hər gün duş qəbulu dərinizin müdafiə təbəqəsinə zərər verir və dərinizdəki bakteriyaların tarazlığı pozulur. Beləki, bir çox dəri xəstəlikləri məhz “xeyirli bakteriyaların” azlığından irəli gəlir.

Göbələk xəstəliyi kimi təhlükələr olan idman zallarında duş qəbulu həqiqətən təhlükəsizdirmi? Bəli, əksər hallarda cavab “bəli, təhlükəsizdir” olmalıdır, lakin hər səfərində bundan qaçmaq üçün də bir neçə səbəb var.

Həddindən artıq təmizlik və duş qəbulu bizim dərimizi lazımı bakteriyalardan təmizləyir. Nitrosomonas eutropha (amonyak oksidlədici bir bakteriya) bir zamanlar dərimizdə olsa da, onu məhv etməyə başlamışıq. Elm adamlarının sözlərinə görə bu bakteriyalar tərimiz ilə qarışıb nitrit və nitrik oksidinə çevrilərək bizim dərimizi təmiz qalmasına, həzmin yaxşılaşmasına və həmçinin iltihablardan qarşısının alınmasına kömək edirdi. Müasir insanlarda bu bakteriyalar yoxdu, alimlər bunları yalnız Amazon Aborogenlərində tapıblar. ABŞ’ın bəzi sabun istehsalçıları probiyotik mikroorganizmləri artıq sabunların tərkibinə əlavə etməyə başlayıblar.

Dərinizdəki bakteriya tarazlığını saxlamaq naminə məşqdən sonra duş almağı azaltmaq üçün bəzi məsləhətlər təqdim edirik.

Duş qəbulunu azaltmaq üçün

Qaçış və yüngül kardiodan sonra: məsləhətimiz, sadəcə ağırlıqlarla işlədiyiniz günlərdə duş qəbul edəsiniz. Yüngül qaçış duş qəbulunu labüd etmir.

Evdə məşqdən sonra: Çox kirlənmədiğiniz halda hər səfərində duş qəbul etməyiniz vacib deyil. Sadə, sabun və şampunsuz duş qəbulunu da seçə bilərsiniz. Hər gün məşq etmirsiniz isə gün aşırı duş qəbulu daha uyğundur.

İdman zalından sonra: İdman zalında məşqdən sonra duş qəbulu məcburi görünsə də, bəlkə də həmişə gərəkli olmaya bilər. İnfeksiya riskini azaltmaq üçün trenajorları dəsmalınız ilə silə bilərsiniz. Həmçinin dəsmal sizi trenajorlar ilə birbaşa təmasdan qoruya bilər.

Sabun haqqında bir iki söz

Əslində duş qəbulunun tezliyi yox, antibakteriyal sabunlardan istifadə tezliyi önəmlidir. Bu sabunların tərkibində olan triklosan hormon dəyişikliklərinə səbəb olur ki, bunlara sperma da daxildir. EMBO Reports’da 2014cü ildə nəşr edilən bir araştırmada triklosanın spermadakı kalsiy səviyyəsinin artırdığı və onların hərəkət davranışları və keyfiyyətini aşağı saldığını aşkar edilmişdir.

Antibakteriyal sabunlar etibarlı və təsirli olmurlar. Adi iysiz kastil sabunlar da zərərli orqanizmləri məhv etməyə qadirdilər. Lakin məqsədiniz daha yaxşı bakteriyal tarazlıqdırsa, probiyotik sabunlardan istifadə edə bilərsiniz.

Split-məşqin əsas qaydaları

split məşq

split məşq

“Split-məşq” termini ingilis dilindən götürülmə sözdən “split” – bölmək deməkdir. Split – məşq proqramını hissələrə bölmək və onları yalnız o günlər yerinə yetirmək üçün istifadə olunur.

Split-məşqin üstünlükləri

Professionallar məşq yükünü bölürlər. Split-məşq daha az enerji sərfi ilə daha böyük nəticələr gətirə bilər. Sizlər Zalda daha az vaxt keçirəcəksiniz.

Əgər siz bir gündə bütün əzələ kütləsinə işləyirsiniz isə, bu sizdə ən az 2 saat vaxt tələb edir. Qısa günlük məşqlər isə bu üstünlükləri təqdim edir: yüksək intensivlik, daha yaxşı konsentrasiya, daha çox enerji və güc, bədən yorğunluğu riskinin azalması. 45-60 dəqiqəlik məşq sizin nə vaxtınızı alır və eyni zamanda əzələləriniz bərpa və böyümə üçün daha uzun müddət əldə edirlər.

Split-məşqi necə qurmaq lazımdır

Zəif olduğunuz tərəfləri müəyyənləşdirin

Genetika və bədən quruluşunuzdan asılı olaraq, sizin baldır əzələləriniz böyük, sinə əzələləriniz kiçik ola bilər. Bu zaman split-məşq həftəsini məhz sinə məşqindən başlamaq və ayaq məşqi ilə həftəni yekunlaşdırmaq lazımdır. Zəif əzələ qruplarını ilk günlərdə, inkişaf etmişləri isə son günlərdə işlədin. Bu zaman geridə qalan əzələ qruplarına daha çox enerjiniz qalacaq.

Çoxdan aza işləyin

Ən böyük əzələlər ayaq, kürək və sinə nahiyələrində yerləşir. Əgər split-məşqi seçmisiniz isə, ilk olaraq bu qrup əzələləri işlətməlisiniz. Daha sonra az əzələ kütlələrinə keçin: çiyin, biseps və triseps. Bu əzələlər baza məşqlərində dəstəkçi əzələ rolunu oynayırlar. Bu əzələləri yorduqdan sonra sinəyə, ayağa və kürəyə istədiyiniz kimi məşq edə bilməyəcəksiniz. Misal olaraq, bugün kürək və biseps məşqləriniz varsa, ilk öncə kürəkdən başlamalısınız.

Daha çox istirahət edin

İstirahət məşq qədər vacibdir. Əksər professional bodibilderlər 8-10 saat yuxu yatırlar. Yadınızda saxlayın ki, anabolik hormon səviyyəsi dərin yuxuda pik nöqtəsinə çatır.

İntensivliyi yüksək tutun

Məqsəddən asılı olmayaraq, intensivliyi yüksək tutun. Split-məşqin məqsədi – əzələ liflərini dağıtmaqdır ki, onlar bərpa zamanı daha da böyüyürlər. Əgər güc üçün məşq edirisiniz isə 6-8 təkrar kifayətdir, lakin daha iyi forma almaq məqsədinizdir isə, təkrarların sayını artırmalısınız. İstənilən halda intensivliyi saxlamağa çalışın.

Əzələ artması üçün istirahət günlərinin sayı məşq günlərindən sayından daha çox olmalıdır. Tələsmək lazım deyil.

Qeyd etmək laızmdır ki, split-məşq sistemi qadınlara uyğun deyil. Qadınlar az bir şəkildə bütün bədənə işləməlidirlər.

Dördgünlük split-məşq proqramı

Bazar ertəsi
* Maili trenajorda dirsəkləri dirəyərək bisepslərə işləmək – 3 yanaşma 10 təkrar;
* Maili oturacaqda tərs uzanaraq qantellər ilə sinəyə jim – 3-5 yanaşma 6-8 təkrar;
* Maili oturacaqda başı yuxarı uzanaraq qantellər ilə sinəyə jim – 3-5 yanaşma 6-8 təkrar;
* Uzanaraq sinəyə ştanqa ilə jim – 3-5 yanaşma 6-8 təkrar;
* Ayaqüstə tərs tutuşla ştanqa ilə bisepsə işləmək – 5 yanaşma 10 təkrar;
* Başın arxasına qantellər ilə qolların açılıb bağlanması – 3-5 yanaşma 8-10 təkrar;
* Maili oturacaqda çəkic məşqi – 3 yanaşma 10 təkrar;
* Skott trenajorunda hər bir ələ ayrı-ayrı qantellə işləmək (biseps) – 3 yanaşma 10 təkrar;
* Pres əzlələrinə yerdə bükülmələr – 5 yanaşma 15-20 təkrar.

Çərşənbə
* Trenajorda ayaqların yanlara açılması – 3 yanaşma 6-8 təkrar;
* Qantellərlə önə düşmələr (ayaq əzələləri) – 3 yanaşma 6-8 təkrar;
* Barmaqlar üzərinə ağırlıqla qalxmaq (ayaq əzələsi) – 5 yanaşma 15 təkrar;
* Maili oturacaqda ayaqların qaldırılması (qarın əzələləri) – 5 yanaşma 15-20 təkrar;
* Ştanqa ilə dərin çömbəlmələr – 3-5 yanaşma 6-8 təkrar.

Cümə
* Ayaqüstə fransız jimi – 5 yanaşma 6-8 təkrar;
* Qantellər ilə yanlara əyilmələr (qarın əzələləri) – 5 yanaşma 20-30 təkrar;
* Maili oturacaqda üzü üstə uzanaraq əlləri qantel ilə arxaya yanlara açılması – 3-5 yanaşma 8 təkrar;
* Ayaqüstə qolların qantellər ilə ardıcıl önə və yanlara qaldırılması – 3-5 yanaşma 8 təkrar;
* Yan bükülmələr (qarın əzələləri) – 5 yanaşma 15 təkrar;
* Ayaqüstə boynun arxasına ştanqa ilə jim – 5 yanaşma 6 təkrar;
* Oturaraq qolların qantellər ilə yanlara açılması – 3-5 yanaşma 8 təkrar;
* Əllərin qantel ilə arxaya açılması (triseps) – 5 yanaşma 10 təkrar;
* İki əllə qanteli başın arxasına salıb qaldırılması (triseps) – 3-5 yanaşma 10 təkrar.

Şənbə
* Skott trenajorunda EZ ştanqa ilə bisepsə məşq – 3-5 yanaşma 10 təkrar;
* Ayaqüstə ştanqanın bisepslərə qaldırılması – 5 yanaşma 10 təkrar;
* Əyilərək qantellərin kürəyə qaldırılması – 3-5 yanaşma 8 təkrar;
* Dar tutuşla uzanaraq jim (triseps) – 5 yanaşma 6-8 təkrar;
* Enli tutuşla boynun arxasına dartınma – 5 yanaşma 10 təkrar;
* Düz ayaqlar üstündə yerdən qaldırma hərəkəti – 5 yanaşma 6 təkrar;
* Ayaqüstə qanteli sinəyə qaldırma (çiyin) – 3-5 yanaşma 8 təkrar;
* Maili oturacaqda tərs uzanaraq EZ ştanqası ilə fransız jimi (triseps) – 3-5 yanaşma 10 təkrar.

Dünyanın ən bahalı bank kartları

bank cards

bank cards

Dəbdəbəli həyat sürürsünüzsə, hesabınızdakı məbləğ isə milyonlarla ölçülürsə, dünyanın ən eksklüziv bank kartlarından birininin sahibi olmaq, həmçinin bir sıra güzəşt və imtiyazlardan yararlanmaq şansınız böyükdür. Adətən belə kartları varlı müştərilərinə bankın özü təklif edir.

1. J.P. Morgan Palladium Card

JPMorgan Chase bankı Palladium Card kartını 2009-cu ildə xüsusi müştərilərin tələbatlarını qarşılamaq məqsədilə təqdim etmişdi. Bu kartdan istifadə etmək təklif edilən J.P. Morgan müştərilərinin əksəriyyəti bankın nəzarəti altında 10 milyon dollardan az olmayaraq vəsaitə və hesabda orta hədlə 100 milyon dollara malik olmalıdır.

J.P. Morgan Palladium Card ABŞ-ın EMV texnologiyası (çip) ilə təchiz edilmiş ilk kredit kartlarından biridir. Kart metal konstruksiyaya və palladium örtüyə malikdir. Çəkisi isə təqribən 28 qramdır ki, bu da onu digər adi plastik kartlardan 5 dəfə daha ağır edir. 2016-cı ilin sentyabr ayında Palladium Card-ın adı J.P. Morgan Reserve Card olaraq dəyişdirildi. Bu kart öz sələfindən xarici görünüşcə fərqlənməsə də, bir sıra əlavə üstünlük və imtiyazlara sahibdir.

J.P. Morgan Palladium Card sahibləri ildə 595 dollar komissiya haqqı ödəyirdilər. Rebrendinqdən sonra J.P. Morgan Reserve Card sahibləri ildə 450 dollar ödəyir. Bununla belə, beynəlxalq ödənişlər, vaxtı keçmiş ödənişlər, vəsaitlərin qaytarılmasına görə istənilən komissiya haqqından azaddırlar, kredit limiti isə sonsuzdur.

2. Coutts World Silk Card

“İpək” karta sahib olmaq üçün hesabınızda 1 milyon Amerika dollarına sahib olmağınız kifayətdir. Üstəlik, bu pullar Coutts – yəni kraliça II Yelizavetanın şəxsi bankında açılmış hesabda yerləşdirilməlidir. İllik faiz dərəcəsi hər bir müştəri üçün fərdi olaraq təyin edilir. Kart sahibi bonus olaraq əsl VIP müştərilər üçün nəzərdə tutulmuş mağazalara giriş əldə edəcək. Dünyada yalnızca 100 şəxsi Coutts World Silk Card kartına sahibdir.

3. Dubai First Royale Mastercard

Bu kart sözün həqiqi mənasında qiymətlidir. Kartın kənarı qızıl ilə haşiyələnib, üz tərəfində isə brilyantlar yerləşdirilib. Sözügedən bu kart xüsusi seçilmiş şəxslərə təqdim edilir və Dubayın elit icmasının nümayəndələri üçün əlçatandır. Kartın hər 200-cü istifadəçisi sonsuz kredit limiti, lüks xidmət və şəxsi menecer əldə edir.

4. American Express Black Card Centurion

Bu kartın buraxılması 7500 dollar, sonrakı xidmətlər isə ildə 2500 dollar tələb edəcək. Kartın sahibi ildə bu kart ilə 250 000 dollardan az olmayan miqdarda vəsait xərcləməlidir. American Express Black Card Centurion kartının bütün sahibləri Amerika hava limanlarında Centurion-un xüsusi zallarına giriş, partnyor olan istənilən mehmanxana və yaxud restoranda otaq və masa bronu, aviareys biletlərinin bronu və s. imkanlar əldə edirlər.

5. Stratus Rewards Visa

Daha əvvəlki kartlar premium qara rəngdə buraxılırdılarsa, Stratus Rewards Visa kartı ağ rəngi sevənlərin daha çox könlüncə olacaq. Əlbəttə ki, bu kartı da çox zəngin insanlar xüsusi təklifdən sonra əldə edə bilərlər. Kartın illik xidmət haqqı 1500 dollardır. İstifadəçi bunun qarşılığında bir sıra imtiyaz əldə edəcək. Belə ki, müştəri yığılmış bonusları şəxsi təyyarədən istifadə etmək, mehmanxanaların bron edilməsi zamanı endirim əldə etmək, ən yaxşı stilistlər ilə məsləhətləşmələr etmək və s. ilə mübadilə edə bilər.

6. Citigroup Black Chairman Card

Citigroup Black Chairman Card kartını yalnızca Citigroup özəl bankının müştəriləri və investisiya qrupunun iştirakçıları əldə edə bilər. İllik xidmət haqqı 500 dollar, kredit limiti isə 300 000 dollar təşkil edir. Kart sahibləri üçün nəzərdə tutulmuş digər imtiyazlar bonuslar, VIP-zallara giriş və s.dir.

7. NatWest Black Mastercard

NatWest Black Mastercard həmçinin dünyanın ən çox arzulanan kartlarından biridir. Bu isə ona görədir ki, kartın kredit limiti 1,5 milyon dollara qədər artırılıb. İllik xidmət haqqı isə cəmi 395 dollardır. Bundan əlavə, kart sahibləri bonus və endirimlər, VIP-zallara giriş və dünyanın istənilən nöqtəsində sutkalıq xidmət imkanı əldə edirlər.

8. Merrill Accolades American Express Card

Əldə edilməsi çətin olan digər bir “qara” kart. Məsələ ondadır ki, bu kartın sahibi hesab balansı 250 000 dollardan az olmayan Merrill Lynch müştərisi olmalıdır. Yalnız bundan sonra həmin şəxsə kartla bağlı təklif göndərilə bilər. Lakin gəlməyə də bilər.

Kartın illik xidmət haqqı 295 dollardır. Merrill Accolades American Express Card sahibi üçün 500 000 dollar həcmində kredit limiti nəzərdə tutulub və bu hələ ki, başlanğıcdır. Həmçinin, kart sahibinə şəxsi təyyarələrdə uçuşlara, eksklüziv otellərə endirim və sutkalıq konsierj xidmətindən yararlanmaq imkanı verilib.

9. Mastercard Black Card

Mastercard şirkətinin eksklüziv qara rəngli kartı paslanmaz poladdan, karbondan hazırlanıb və patentləşdirilmiş dizayna malikdir. İllik xidmət haqqı 495 dollardır. Mastercard Black Card kartının sahibi xüsusi imtiyazlar, məşhur lüks brendlərindən hədiyyələr əldə edir. Həmçinin kart sahibləri xüsusi olaraq Mastercard Priceless eksklüziv loyallıq proqramında iştiraka dəvət olunur.

10. Citi Prestige Card

Fəal səyahətçilər üçün yaradılmış Citi Prestige Card xərclənmiş hər bir dollar üçün bal qazanmağa imkan verir. Həmçinin kart sahibləri səyahətçilər üçün uçuş xərclərini qarşılamaq üçün illik 250 dollar həcmində bonus da daxil olmaqla xüsusi imtiyazlardan yararlanmağa imkan verir. Kartın illik xidmət haqqı 450 dollardır.(banker.az)

Güc və testosteron: saqqalın 7 müsbət tərəfi

saqqal və kişi

saqqal və kişi

Səmanı ulduzlar, qadınları saç düzümü, kişiləri isə saqqal bəzəyir. Saqqal – hər bir kişi üçün “must have” rolunu oynayır.

Saqqal = güc

Gür saqqal kişidə testosteronun lazımı səviyyədə olmasına işarətdir. Bu kişilər sağlamdır, güclüdür və mükəmməl potensiyaya malikdirlər.

Saqqal = davada yardımcı

Üzünüzə zərbə gələ bilər? Saqqal saxlayın: zərbə və alacağınız zədələri yumuşaldır. Üstəlik saqqal ilə daha güclü görkəmə sahib olacaqsınız. Bir çox dələduzlar gür saqqallı kişilərdən çəkinirlər.

Dəbli görkəm

Saqqal saxlayacaqsınız – daha dəbli görkəmə, cazibədar və özünə əmin görkəmə sahib olacaqsınız. Qadınlar da belələrini sevir.

Saqqal = kreativlik

Bir çox proqressiv, kreativ və azadlığı sevən kişilər saqqallı olub və olmaqdadırlar. Misal olaraq: Karl Marks, Ernesto Çe Gevara, Fidel Kastro və sair

Saqqal = isti

Pis hava, soyuq və ya yandırıcı günəş – sizin üzünüz saqqal ilə tam təhlükəsizlikdədir.

Saqqal = çatışmamazlıqların görsənməməsi

Əgər təbiət sizin üzünüzü gözəl yaratmayıbsa, saqqal saxlayın və çatışmamazlıq, defektləri gizlədin.

Qadını seksə aparan hormon – alimlər

qadın hormonu

qadın hormonu

Böyük Britaniya və Kaliforniya Universitetlərinin birində araşdırma aparılmışdır. Nəticədə qadını seksə aparan hormon aşkar edilmişdir.

Araşdırmada 375 qadın iştirak edib. Araşdırma 3 etapdan ibarət olub və onlar hər biri ayrı ayrı sessiyalara bölünüb.

Gedişad

Qadınlar kiminləsə münasibətə başlayan (və ya başlamayan) kimi müəyyən testdən keçirdilər. Burada qadınlar öz seksual istəklərini qeyd edirdilər. Həmçinin ekspertlər qadınlardan tüpürcək nümunələri götürürdülər – cinsi hormonların səviyyəsini ölçmək üçün.

Menstrual sikl və hormonlar

Deyilənə görə qadınların seks istəyi menstrual sikldən asılıdır. Və bu bir neçə hormonun səviyyəsini artırır:

* estradiol;
* progesteron;
* testosteron.


Lakin menstrual siklin qadınlarda seks istəyi ilə əlaqəsini alimlər yenə də sübut edə bilməyiblər. Bunun üçün bu fərziyyədə dayanmağa sübut yoxdur.

Hormonlar ilə məsələ isə daha asandır. İlk növbədə hansı hormonun nəyə təsir etdiyinə baxaq:

* Estradiol– cinsi orqanların funksiyalarına.
* Progesteron – qadın xəstəliyi və hamiləyin baş verməsinə cavabdehdir.
* Testosteron – ümumiyyətlə qadını kişi edir.

Nəticə

Qadının seks istəyində testosteron heç bir rol oynamır. Progesteron qadınlarda ümumiyyətlə cütləşmə istəyini məhv edir. Estradiol isə əsas və aktiv qadın hormonudur. Məhz bu hormon qadında seks istəyini artırır.

Zukerberqin evi görənləri təəccübləndirdi (FOTO)

zukerberq_2

zukerberq_2

İstedadlı proqramçı, Facebook sosial şəbəkəsinin təsisçisi, planetin ən varlı insanlardan biri Mark Zükerberqin evinin fotoları hamıya maraqlıdır.

71 milyard dollar sərvəti olan 33 yaşlı Mark Zukerberq sosial şəbəkədə evinin video və fotolarını paylaşıb.

Süni intellektdən danışan milyarder çəkiliş qrupunu evinə dəvət edib.

Mark Zukerberqin evinin dizaynının sadəliyi diqqət çəkib. Milyarderin evinin bu qədər sadə olması görənləri təəccübləndirib.

zukerberq

zukerberq_1

zukerberq_3

Zukerberq 2004-cü ildə Harvard Universitetindən olan yoldaşları Dastin Moskovits, Eduardo Sovarın və Kris Hyuces ilə birlikdə ictimai paylaşma saytı Facebooku quraraq dünyanın ən gənc milyarderi olmasıyla tanınır.(BAKU.WS)

Hər yerdə tapa biləcəyiniz məhsullardan ideal rasion

gündəlik rasion

gündəlik rasion

Tez bir zamanda arıqlamaq lazımdır? Əzələ kütləsini yığmaq lazımdır? Düzgün qidalanmaq istəyirsiniz? Bütün cavablar bu məqalədə.

Səhər yeməyi

* Bir neçə suda bişmiş yumurta.
* Yulaf sıyığı.
* Süd + sıyıq + təbii şirə.

İkinci səhər yeməyi

* Kəsmik + süd və yoqurt + meyvə.
* Ya da zülal-karbohidratlı kokteyl.

Nahar

* Qarnir (kartof, makaron, düyü) ilə ət və ya toyuq.
* Bitki yağı ilə tərəvəz salatı.
* Təbii şirə.

Məşqdən 1,5-2 saat əvvəl

* Düyü sıyığı (üzüm və ya qayısı qurusu ilə).
* Bir neçə soyutma yumurta.

Məşqdə

* Bal və limonlu su.

Məşqdən sonra

Şirin kəsmik və ya geyner. Həmçinin uşaq qidalarından da istifadə edə bilərsiniz (smes).

Şam yeməyi

* Qarnir ilə balıq və ya toyuq.
* Bitki yağı ilə tərəvəz salatı.
* Təbii şirə.

Gecə

* 0,5-1 litr kefir, imkan daxilində bir diş sarımsaq.

Məhsulların dəqiq sayını normaya uyğun təyin edin: 1 kq çəkinizə 2,5-3 qr zülal və 5-6 qr karbohidratdan az olmamaqla. Çəkinin artımı ilə əlaqədar mütəmadi kalori miqdarını artırın. Daha çox qida məşqdə daha çox güc deməkdir. Protein kokteyli isə aclığı hiss etdiyiniz an sizə kömək ola bilər.

Diş implantının quraşdırılma prosesi – Risk varmı

implant diş

implant diş

Bir çox insan implant dişlərdən çəkinir. Bəziləri ağrıdan, bəzilər sinir zədələnməsindən, bəziləri infeksiyadan, bəziləri isə hətta qaymoritin yaranmasından qorxurlar.

Bəli implant diş bir cərrahi əməliyyatdır və həqiqətən də bəzi riskləri özündə daşıyır. Buna baxmayaraq müasir cərrahlar implantın quraşdırılmasını az zədəli proses kimi qəbul edir. 95% halda heç bir əks təsir müşahidə olunmayıb və problemlər 10%dan artıq hallarda olmayıb. Nəticədə 10 il sizin dişlə heç bir probleminiz olmur.

Diş implantasiyası nədir?

Diş implantasiyası – cərrahi yolla kökündən itirilmiş dişin bərpası deməkdir. Bunun üçün çənə sümüyünə süni kök rolunu oynayacaq implant qoyulur. İmplant artıq bitişəndən sonra həkim üzərinə süni diş düzəldir. Nəticədə təbii dişdən fərqlənməyən bir görüntü əldə olunur.

İmplantın quraşdırma prosesi

1. Hazırlıq
Bu bir cərrahi əməliyyat olduğu üçün xüsusi hazırlıq tələb edir. Hazırlıq 2 gündən 7 günə kimi davam edə bilər. Prosesin doğru və əks təsirsiz keçməsi üçün növbəti tədbirlər keçirilir:

* Çənə sümüyü və yan dişlərin diaqnostikası. Bura çənənin kompüter tomoqrafiyası daxildir, onun köməyi ilə implantın yerləşdirilməsi üçün uyğun yerlər seçilir.

* Diş əlpinin götürülməsi və dişlərin müalicəsi. Xəstənin bütün dişləri müalicə olunur, damağ iltihabı aradan qaldırılır. Bu əməliyyat zamanı bakteriyaların olmaması və infeksiyanın düşməməsi üçün vacibdir.

* Əks təsirlərin istisnası. Cərrah xəstənin orqanizmini qiymətləndirir və xəstəlikləri gözdən keçirir. Əgər prosesə mane törədə biləcək bir xəstəlik, nasazlıq aşkar olunursa, implant əməliyyatı təxirə salınır.

* Kompüter modelləşdirilməsi. Kompüter vasitəsi ilə implantın doğru yerə quraşdırılması, müalicə nəticələrinin proqnozlaşdırılması, mümkün olan risklərin qiymətləndirilməsi aparılır.

* Cərrahi şablonların işlənməsi. Bu proses vacib deyil. Lakin bəzi çətin əməliyyatlarda sümük hüceyrələrinin az olması aşkar olunsa, şablonlar əvəzolunmaza çevrilirlər.

Bu tədbirlər mümkün olan bütün neqativ prosesləri minimuma endirmək üçün vacibdirlər. Xəstə özü də ağız boşluğuna diqqət yetirməli, onu daim təmiz saxlamalı və bakteriya səviyyəsini gözləməlidir.

İmplant qoyulmasından əvvəl verilən analizlər

Prosesdən öncə sidik və qan analizləri verilir. Lazım gəldiyi halda həkim qanda şəkərin mmiqdarını, qan laxtalanmasının səviyyəsini, onkoloji və infeksiya xəstəliklərinin nəticəsini istəyir. Bu əməliyyat zamanı rast gələnə bilən və sonradan yarana bilən problemlərin qarşısını almaq üçün vacibdir.

2. Sümük hüceyrələrinin yetişdirilməsi
Sümük hüceyrələrinin çoxaldılması hər kəsə təyin edilmir. Bu əsasən uzun müddət dişsiz qalan xəstələrinə təyin olunur. Belə çənələrdə artıq sümük atrofiyası gedir. Sümük artıq əvvəlki təzyiqi hiss etmir və orda təbii mübadilə proseslər sadəcə dayanıb.

Bu implantın yerləşdirilməsi üçün vacibdir. Beləki, sümüyün sahəsi implantın sahəsinə uyğun olmalıdır. İmplantın düşməməsi üçün onun tam fiksasiya edilməsi vacibdir.

Lakin müasir cərrahlar daha dərin sümük qatları ilə işləyə bilir və implantları daha dərin fiksasiya edirlər.

Sümüyün yetişdirilməsi bir seansa aparılasa da, implantın ona bitişməsinə 3-4 ay tələb olunur. Və yalnız bu müddətdən sonra üzərinə süni diş düzəldilə bilər.

3. İmpalntın sümüyə bərkidilməsi
Bir çox xəstə məhz bu prosesdən çəkinir. Əslində isə bu proses yarımsaatdan artıq davam etmir və xəstə heç bir ağrı hiss etmir. Anesteziya ağrı hiss etməyə icazə vermir.

İmplantın sümüyə bərkidilməsinin 3 metodu mövcuddur:

* Klassik metod. Burada damağ əti kəsilir və sümük çölə çıxarılır, xüsusi aparat vasitəsi ilə implantın yeri hazırlanır (deşik açılır). Belə konstruksiya üzərindən bağlanılır və 3-6 ay bitişmə prosesi gedir. Üzərindən həkim keçici protez diş qoyur.

* Minimal invaziv metod. Az zədəli metod olaraq, müasir dövrdə ən çox istifadə edilir. Burada damağ əti kəsilmir və implant üçün xüsusi deşik açılmır. Həkim xüsusi aparatla damağı və sümüyü deşir və ora implantı taxır. Belə, yumuşaq hüceyrələr zədələnmir və implant daha bərk oturur.

* İmplantın təbii diş yerinə fiksasiyası. Bu proses dişin xaric edilməsindən dərhal sonra baş verir. Belə olduğu halda bir çox damağ və sümük problemlərinin üstündən keçmiş olursuz.

4. Protezləşdirmə
İmplant tam sümüyə bitişdikdən sonra sonuncu etap, protezləşdirmə başlayır. Bunun üçün həkim damağı yenə kəsir və implant ilə diş arasında bağ rolunu oynayan abatmentləri quraşdırır və ardınca dişlər tam düzəlir. Bu proses 20-30 dəqiqə davam edir və heç bir risk daşımır.

İmplantın quraşdırılması zamanı mümkün olan risklər

Praktika göstərir ki, əsas risklər məhz bu etapda baş tutur. Burada əsas rol həkimin praktikası oynayır. Beləliklə, implantın quraşdırılması zaman yarana biləcək risklər:

* Ağrı. Mütəxəssis anesteziyanı doğru etməyə, dərmanlarda qənaət müşahidə oluna bilər. Bu halda xəstə əməliyyat zamanı müxtəlif dərəcəli ağrılar hiss edə bilər.

* Yüksək qanaxma. Bu həkimin damağ ətini çox kəsməsindən və ya böyük qan damarını zədələməsindən baş verə bilər. Bir qayda olaraq, bu kimi hallar neqativ nəticələrə səbəb olmur.

* Aşağı çənə boşluğunun perforasiyası. Bu olduqca riskli haldı və xəstələr üçün heç də yaxşı qurtarmaya bilər. Beləki, əgər həkim aşağı çənənin divarlarını və nəticədə sinirləri zədələsə, xəstə bir neçə həftə çənəsində keyləmə və ağrılar hiss edəcək. Bəzən bu zədəni müalicə etmək üçün implantın da çıxardılması tələb oluna bilər.

* Burun boşluğu və qaymorit sinusun perforasiyası. Bu daha da təhlükəlidir. Əgər həkim burun boşluğunu zədələsə, xəstə gələcəkdə xroniki qaymoritdən əziyyət çəkə bilər. Bu halda da müalicə üçün implantın çıxarılması tələb olunacaqdır.

İmplant quraşdırıldıqdan sonra mümkün olan risklər

Qeyd edilən kimi, implant qoyulduqdan sonra bir neçə ay onun sümüyə bitişməsini gözləyirlər və yalnız sonra dişin üstü düzəldilir. Məhz bu zaman da bəzi problemlər yarana bilər. Bəs, xəstəni hansı risklər gözləyir?

* Orqanizmin qəbul etməməsi. İstənilən süni materialın orqanizm tərəfindən qəbul edilməməsi kimi riski var. Müasir implantlar titan və ya sirkoniumdan hazırlanır. Bu materiallar insan orqanizminə ən yaxın hesab edilir və imtina riskini minimuma endirmiş olur. Lakin, yenə də bu kimi halları istisna etmək lazım deyil. Əgər belə bir hal baş verirsə, xəstənin damağı irin verir, şiş və ağrılar müşahidə olunur. İmplantın xaric olunması və yeni daha uyğun materialdan istifadə tələb olunur.

* İnfeksiyanın düşməsi. Əməliyyat zamanı xəstənin ağız boşluğunda steril təmizlik gözlənilməlidir. Bu infeksiyanın düşməsinin qarşısını alır. Buna baxmayaraq əməliyyatdan sonra bəzən xəstələr implant nahiyyəsində ağrı hiss edir, damağın qızarması və hərarətin qalxmasını özlərində müşahidə edirlər. Bu hallar infeksiyanın düşməsinə işarədir. Belə halda dərhal həkimə müraciət etmək lazımdır, implantın düşmə riski var. İnfeksiya bəzən bir neçə ildən sonra sümükləri də zədələyərək, daha fatal nəticələrə gətirib çıxarda bilər.

* Tikişlərin açılması. Klassik implant quraşdırılması zamanı həkim damağ ətini kəsməyə məcburdur və implant yerləşdirildikdən sonra tikiş qoyulur. Bundan irəli gələrək, xəstə əməliyyatdan sonra tikişlərin açılması riski ilə üzləşə bilər. Bu halda həkim təkrar tikişlər qoyur və tikiş nahiyyəsini dillə daha az təmas etməsini və yemək yeyilən zaman daha az təzyiq edilməsini məsləhət bilir.

Lakin stomatoloqlar bütün bu risklərin olmasına baxmayaraq, bu əməliyyatdan imtina etməyi məsləhət bilmirlər. Onlar yaxşı klinika və həkim tapmağı məsləhət görürlər.