Napoleon kompleksi: əgər qadın sizdən hündürdürsə

Hündür qadın

Hündür qadın
Hündür olmaq – yaxşıdır. Sevgilinizdən hündür olmaq – artıq seksual uğurdur.

Siz hələ heç bir şey etmədiyiniz halda sevgiliniz sizi hündür, qamətli, kişi və onu qorumağa hazır olan görür.

Bəs dəstəboylar necə olsunlar? Əgər sevgilisi sizdən hündürdürsə kişi nə etməli, təbiətə qarşı gedə bilmərsiz axı.

İlk növbədə kədərlənməyə ehtiyac yoxdur. Dəstəboy kişilər hündür kişilərdən bəlkə biraz daha çox əziyyət çəkməlidirlər ki, sevdikləri onlara “hə” desinlər.

1. Sizə xoş olduğu kimi geyinin

Gic-gic fikirləri başınızdan atın. Təlxəy kimi geyinib özünüzü gülünc vəziyyətə salmayın. Qadın geyminizlə “hündür” effektini almaq istədiyinizi hiss edəcək və mütləq onun gözündə “yazıq” kimi görünəcəksiniz.

2. Hündür qadınları sevirsiniz? Qimnastikanı sevməyə başlayın!

Sevgilinizin gözündə balaca yumru “qoğala” bənzəmək ölümə bərabərdir. Trenajora gedin, bədəninizi forma salın, artıq piy qatlarından azad olun. Hündür kişilər artıq çəkilərinin boyları ilə kompensasiya olunduqlarını düşünsələrdə, əla bədən quruluşuna malik olan dəstəboy kişilər daha cazibədar ola bilirlər.

3. Daim dəbli olun

Boyunuzun görkəminizə rəhbərlik etməyinə icazə verməyin. Daim dəblə geyinin, xarici və daxili obrazınızı cazibədar edin. İnanın ki, bunu etsəniz dəstəboyluğunuz heç bir qadının gözünə görünməyəcəkdir.

4. Özünə inamınızı heç zaman itirməyin

Bu əsas məqamdır. Ən azından Napoleonu nümunə götürün. O, dəstəboyluğuna rəğmən özünəinam vasitəsi ilə dünyanı titrətmişdir.

Görkəminizi qollarınızı qatlayaraq dəyişin

Geyimdə qolların qatlanması

Geyimdə qatlanan qol
Qatlanmış qollar dəbi geyimdə işgüzar görkəmin bir hissəsidir. Lakin bunu da düzgün geyimdə və düzgün şəkildə etmək lazımdır.

Köynəyin qollarını qatlamaq

Bir zamanlar bunu nəisə təmir edən zaman edərdilər. Lakin müasir həyatda bunu sırf estetik görünüş üçün də edənlər az deyil.

Qolları qatlamaq üçün köynəyin qolu sizin ixtiyarınızdadır. Siz qolun yarısına kimi və ya dirsəkdən yuxarıya kimi köynəyin qollarını qatlaya bilərsiniz. İkincisini əsasən iş görəndə və yaxud bitsepslərinə inandıqları zaman edirlər.

Köynəyin qollarını bir neçə cür qatlamaq olar:

1. Manjeti çevirin və köynəyi manjet enliyində istədiyiniz qədər qatlayın

2. Əgər manjetin iç üzü köynəyin rəngindən fərqlidirsə, bu zaman kəsiyin imkan verdiyi qədər manjeti qaldırın və aşağıda qalan parçanı qatlayın. Manjetin fərqli rəngi görkəminizə bir rəng qatacaq.

Qısaqol köynəyin qollarını qatlamaq

Bir iki qat kifayətdir. Lakin qısaqol köynəyin qollarını bitsepslərinizə inanırsınız isə qatlayın.

Polo köynəklərin qollarını qatlamaq

Bunu etmək olmaz!

Kardiqanın qollarını qatlamaq

Kardiqanların elastik manjetlərini qatlamaq yox, yuxarı qaldırmaq qəbul olunmuşdur. İstədiyiniz hündürlüyə qolları qaldırın və manjet onu fiksasiya edəcək.

Əgər sviterinizin altında köynək varsa qolları qaldırandan sonra köynəyinizi də sviterin qolunun üstünə qatlaya bilərsinizin.

Pəncəyin qollarını qatlamaq

Deputatlar pəncəklərinin qollarını qayda deyil deyə yox, həmçinin çətin olduğuna görə qatlamırlar.

Yox əgər pencəyiniz pambıqdan və ya kətandandırsa kardeqanda olduğu kimi qollarınızı qatlaya bilərsiniz.

T-shirt qollarının qatlanması

Bunu edəcəkdiniz isə qolsuz köynək alardınız.

Kişi seksuallığının qanunları

Seksual kişi

Seksual kişi
Saqqalla seksuallığın əlaqəsi varmı? Nə tip kişi üzü və bədən quruluşu seksual hesab olunur?

Qadının xoşuna necə gəlmək olar?

Northumbria University-nin araşdırmalarının məqsədi kişi üzündə saqqalla onun seksual görünməsi arasında əlaqəni öyrənmək olub. Əsasən aşağıdakı parametrlərə təsiri araşdırılıb: cəlbedicilik, kişilik, dominantlıq.

Kompüter vasitəsi ilə bir neçə kişi üzləri hazırlanmış: gur saqqallı, az saqqallı, az tüklü.

Hansı daha seksualdır – saqqal və ya az tük?

Araşdırmaların nəticələrinə görə saqqallı kişilər daha ciddi münasibətlər üçün cəlbedici olublar. Üzü tam təmiz olan kişilər isə qadınların gözündə cavan və uşaq kimi görünürlər.

Qadınların əksəriyyəti isə az tüklü üzlərdən xoşlanırlar. Belə saqqala malik olan kişilər daha seksual, inamlı və cəlbedici görünürlər.

Xarici görünüş haqqında araşdırmalar

Bir neçə il öncə University of Regensburg xarici görünüş barəsində miqyaslı araşdırmalar aparmışdır. 500 nəfər kompüterdə düzəldilmiş kişi üzlərinə rəy vermişdirlər.

1-7 qədər qiymətləndirmə cədvəlində, inamlılıq, düzgünlük, cazibədarlıq, ziyalılıq, profesionallıq, dostluq kimi parametrlər qiymətləndirilmişdir.

Hansı kişilər daha seksualdır?

Qarabuğdayı, üçbucaq üz quruluşuna malik və daha az piy qatına sahib olan kişilər daha seksual hesab olunublar.

Bundan başqa daha dolğun və simmetrik dodaqlar, burunla ağız nahiyəsi arasında qırışı olmayan, qara qaş-göz, düzgün çənəyə malik olan kişilər seksual hesab olunublar.

Xarici görünüşlə insana olan münasibətin əlaqəsi

Seksual hesab olunan kişilər həmçinin başqa göstəricilərdə də yüksək qiymət əldə etmişdirlər. Onları özlərinə əmin, uğurlu, istiqanlı, dostsevən və ziyalı hesab edirlər.

Hesab olunur ki, uğurlu və özünə inanan kişilər daim baxımlı, seksual, cazibədar, daim gülən, qayğısı üzündə görünməyən kişilərdir.

Seksual bədən quruluşu

2000 qadından aparılan sorğuya əsasən kişilərin seksual bədən quruluşları haqqında məlumat toplanmışdır.

Qadınların 82% düzgün qamət və fit bədən quruluşunu seksual hesab etmiş, 8% bodibilder bədən qurluşunu, 5 faizi isə kök olmayan “ev kişilərini” seksual hesab etmişdirlər.

Nəticə olaraq, az tüklü üzlər daha seksual görünür. Yumru üzlərdənsə daha çox sərt cizgili üzlər seksual görünür. Bir çox qızlar əzələli bədəni seksual saymırlar.

Kişi epilyasiyası

Kişi epilyasiyası

Kişi epilyasiyası

Kişi epilyasiyası qadın epilyasiyasından fərqlənirmi? Bu prosedurlar nə zaman vacib, nə zaman əks təsirlidir? Bunu araşdırmağa çalışacayıq…

Artıq tüklərin götürülməsi hər bir qadına tanış olan prosedurdu. Lakin müasir dövrdə artıq kişilər arasında da epilyasiya yayılmağa başlamışdır. Üstəlik epilyasiyaya “tüklü” kişilərlə səvai, sadəcə bədənindəki tüklərdən narahat olan kişilər də müraciət edirlər.

Tüklərlə vidalaşmağa hazırsınız?

Düşünürəm ki, qolaltı epilyasiya hər bir kişi üçün qadınlarda olduğu kimi qiqiyenanın rəmzidir. Bunu müzakirə belə etmək gərəksizdir. Lakin digər bədən hissələrinin epilyasiyası bir çox incəsənət, şou-biznes, model və idman təmsilçilərində daimi bir prosesə çevrilməkdədir.

Yerdə qalan kişiləri əvvəl yalnız üzdə çıxan saqqalın uzunluğu maraqlandırırdı. Bir çox kişi günün bu günündə də daha az üz qırxmağı xəyal edir. Lakin müasir dövrdə stilistlər deyir ki, kişilər artıq özlərinə qadınlardan da çox baxmağa çalışırlar. Qalın qaşlar alınır, manikür-pedikür edilir, intim epilyasiyaya baş vurulur. Əksər epilyasiyaya müraciətlər sinə, çiyin və kürək tüklərindən azad olmaq səbəbidir. Salonlar nə kimi xidmətlər təqdim edirlər və necə seçim etmək lazımdır?

Salonda epilyasiya

Əvvəlcədən qeyd edək ki, kişi epilyasiyası özünəməxsus özəlliklərə malikdir. Beləki, kişidə tüklər daha qalın və möhkəmdirlər və bu səbəbdən epilyasiyaya daha tez mürciət etməli olacaqsınız və prosedur özü qadınlara nisbətın daha uzun çəkəcək. Proseduru seçərkən onun effektivliyini, alacaq zamanı və əlbəttə ki, dərinizə vura biləcəyi ziyanı öyrənmək lazımdır.

Mum ilə epilyasiya (воск) – “vaksinq”. Bəlkə də kişilər üçün ən ideal epilyasiyadır, bu zaman tüklərin uzunluğu 5 mm az olmamalıdır. Çiyin və ayaqda (soyuq mum), qolaltı (isti mum) nahiyyələrində istifadə olunur. Epilyasiyadan əvvəl anestezik spreylərlə bədəni keyidirlər (ağrı hissi azalsın), mumu lazımi yerlərə yaxırlar və soyudurlar ki, tüklər mumla bərkisinlər, yekunda mumu dəridən qopardırlar. Bu prosedur sizi tüklərdən 2 həftəyə azad edəcək. Bu prosedur getdikcə tükləri zəiflədir və zamanla tüklər azalır. Mənfi cəhəti prosedurun ağrılı olmasıdır.

Lazer epilyasiyası. Tünd tüklər üçün idealdır. Lazer melanini (saç peqmenti) məhv edir, saçı dağıdır və kökünü zədələyir. Lazer epilyasiyası effektivdir. 8-12 seans kifayətdir ki, 5 illik istənilməyən tüklərdən azad olasınız. Mənfi cəhəti prosedurun ağrılı olması və lazer şualarının dəridə ləkə salma ehtimalı yüksəkdir.

Fotoepilyasiya. Yüksək impulslu işıqla tükün kökünə təsir edir. Ağrısızdır. İşıq saçları isidərək onun artımına səbəb olan hüceyrələri məhv edir. Fotoepilyasiya bütün tükləri effektiv məhv edir: tündə, ağ, qalın, nazik və sair. Prosedurdan sonra dəridə qızartılar yaransa da xüsusi nəmləndirici qellərlə aradan qaldırılır. Mənfi cəhhəti fotoepilyasiyanı 4 həftədə 1 dəfədən artıq aparmaq olmaz.

Şəkərlə epilyasiya – “şuqarinq”. Yerinə yetirilmə texnologiyası mumla epilyasiyaya bənzəyir: isti şirin kütlə tələb olunan yerlərə çəkilir və soyuyandan sonra xüsusi yapışqan kağızlarla çıxarıdılır. Bu epilyasiya dəriyə ziyan vurmur, allerqiya vermir, tüklər 3 həftəyə çıxır. Mənfi cəhəti olduqca ağrılı olmasıdır.

Elos-epilyasiya. Olduqca komfortlu prosedurdu. Tükün kökü işıq impulsunun və radiodalğalı bipolyar cərəyanın birgə təsiri ilə məhv edilir. Bu epilyasiya nöqtə nöqtə təsir edir. Bütün bədən hissələrinə uyğundur. Mənfi cəhəti bahalı olmasıdır. Ən azı 6-10 prosedur keçirilməli və prosedurdan sonra ən azı 2 həftə günəş vannası qəbul etmək olmaz.

Epilyasiyaya qərar verərək əks təsirləri barəsində mütləq məlumatlı olmalısınız. Əgər dəri xəstəlikləriniz varsa, varikoz damar xəstəlikləriniz varsa, şəkər və ya onkoloji xəstəlikləriniz varsa, işıq və gün işığından allerqiyanız varsa epilyasiyadan uzaq durmalısınız. Yaxşı olar ki, həkim məsləhəti alasınız.

Ev şəraitində kişi eplyasiyası

Salona getmək istəmirsiniz isə ev şəraitində depilyasiya kremlərinin köməyi ilə tüklərdən azad ola bilərsiniz. Bu kremlər tükləri qırır və köklərinə təsir etmir. Depilyasiya ən ağrısız prosedur olsa da, dəriyə allerqik effekti ola bilər. Əgər qızartı yaranırsa bundan imtina etmək məsləhətdir.

Qış geyimini və ayaqqabılarını necə saxlamaq lazımdır

Qış Geyimi

Qış Geyimi

Havalar qızdı deməli, qış paltarlarını qarderobun bir kənarına yığmaq zamanıdır. Lakin əgər siz paltarlarınızın korlanmasını istəmirsiniz isə bu zaman onların düzgün saxlama üsulları barəsində məlumatlı olmalısınız.

Qaz tükü gödəkçələr

Ciblərini tam yoxlayın, artıq bir şey qalmasın. Uzun müddət cibdə qalan əşyalar gödəkçənizin formasını itirə bilərlər. Ciblər boşaldılandan sonra onun təmizliyinə diqqət yetrimək lazımdır. Bunu siz iki yolla edə bilərsiz: quru təmizləməyə verə və yaxud özünüz təmizləyə bilərsiz.

Bunun üçün bütün ciblərini və yaxasını bağlayın və gödəkçəni tərs üzünə çevirin. Qaz tükü gödəkçələri yuyarkən maye yuyuculardan istifadə edin. Paltaryuyan maşını 30-40 dərəcəyə kökləyin və yaxşı olar ki, maşına iki üç ədəd böyük tennis topları atasınız. Bu toplar tükün topalaşmasına maneə olacaq. 2-3 dəfə yaxalamaq və sıxmanı az sayda olan dönmələrdə etmək lazımdır. Qaz tükü gödəkçənizi asılqanda qurutmaq lazımdır. Mütəmadi olaraq qaz tükünü çırpmaq lazımdır ki, tük yatmasın. Quruduqdan sonra gödəkçənizi polietilen qablarda yox, xüsusi parça örtüklərdə saxlayın ki, hava dövranı təmin olunsun.

Ayaqqabı

Qış ayaqqablarınızı yaxşıca yuyun və qurudun. Ayaqqabınız görkəmini itirməsin deyə içini qəzetlə doldurun. Deyilənlərə görə qəzet üzərində olan mürəkkəb güvəni qorxudur. Ayaqqablarınızı qutularda gün işığından uzaq olan quru yerdə saxlayın.

Sviter

Sviteri yumaq lazımdır, ləkə qalmamalıdır. Cüzi bir ləkə də sviterinizi korlaya bilər. Üstəlik güvə məhz çirkli paltarlara daha çox meyillidir. Asılqandan asmayın deformasiya olacaq. Qutularda güvəyə qarşı vasitələrlə bir yerdə saxlayın.

Dəri gödəkçə – düzgün seçim və geyim

Kişi Dəri Gödəkçələri

Kişi Dəri Gödəkçələri

Son mövsümün ən dəbli üst geyimi məhz dəri gödəkçələrdir. Dəri gödəkçələr baha olsa da, keyfiyyətli olduğundan bir neçə mövsüm istifadə oluna bilir.

Bu yazımızda sizlərə dəri gödəkçələrdən söz açacayıq və onların düzgün seçimi və geyimini sizə anlatmaya çalışacayıq.

Dəri gödəkçələrin seçim qaydası

Rezinsiz
Rezinsiz dəri gödəkçə köklüyü sevməz və qabağı bağlı vəziyyətdə bədənin tam üstündə oturmalıdır.

• Qara rəngə cəsarətli alternativa kürən rəngidir (рыжий). Belə dəri əsasən də köhnələndə daha da görkəmli olur.
• Dəri gödəkçənin yaxalığını qaldırın geyinin. Bu sizin görkəminizə dələduzluq verəcək.
• Kürən dəri gödəkçəyə eyni rəngli ayaqqabı seçməyə çalışmayın, ən yaxşısı qara rəngli dəri ayaqqabıdır.

Rezin ilə
Pivə sevənlər, yaxşı yeyib-içməyi sevənlər üçün ən yaxşısı trikotaj rezinli dəri gödəkçələrdir.

• Ciblərinizi “lazımi” zibillə doldurmayın, dəri genişlənir və formasını itirir.
• Rezin tiftiylənirsə onu təmizləməyə unutmayın.

Dəri gödəkçələrin geyim qaydası

Gündüz: Qısa dəri gödəkçə favoritdir. Əgər siz günün əksər saatlarını sükan arxasında keçirirsiniz isə dəri gödəkçə tam sizlikdir. Dəri soyuğu və nəmi keçirtmir. Soyuq havalarda içi isti gödəkçələrdən istifadə etməyiniz məsləhət bilinir.

Gecə: Gecə klublarını sevirsiniz? Bu zaman dəri gödəkçələr sizə pəncəyi əvəz edəcəkdir. Lakin belə bir görkəmə ciddi yanaşmaq lazımdır. Beləki, əgər qalstuk taxmaq fikriniz varsa, nazik qalstukları seçməlisiniz.

Ayaqqabının genişləndirilməsi: təzə ayaqqabı sıxırsa

Ayaqqabi genislenmesi

Ayaqqabı genişlənməsi

İnterntet üzərindən və ya endirim bazarlarında ayaqqabı alarkən ölçüdə səhv buraxmaq imkanı həmişə vardır. Yeni ayaqqabının sizə ağrı, diskomfort yox, sevinc bəxş etməsini istəyirsiniz isə onda aşağıdakı ayaqqabı genişləndirmə üsullarından istifadə edin.

Bəri başdan qeyd edək ki, bu üsullar dəri ayaqqabılar üçün nəzərdə tutulub. Sintetik ayaqqabıları genişləndirmək daha çətindir. Ayaqqabını uzununa yox, yalnız eninə genişləndirmək olar. Əgər barmaqlarınız dirənirsə, bu zaman ayaqqabınızı satın.

Genişlənmədən sonra ayaqqabı həssas olur. Bu ayaqqabıya xüsusi baxım lazımdır, daim kremlənməli, təmizlənməlidir.

Əgər diskomfort cüzidirsə, dərhal genişləndirməyə can atmayın. Bir neçə günə ayaqqabı özü onsuzda ayağa görə genişlənəcək.

Üsul 1: su

İsti suda pambıq corablarınızı istadın, geyinin və üstündən təzə ayaqqablarınızı, corablar qurayanadək və bezənədək belə gəzin. Prosedurdan sonra ayaqqabılarınızın içinə qəzet doldurun ki, nəmliyi götürəsiniz.

Üsul 2: kimya

Böyük ayaqqabı mağazalarında ayaqqabı genişləndirici xüsusi vasitələr satılır. Əsasən sprey olan vasitələri ayaqqabının içinə vurulur və ayaqqabı geyinilib biraz gəzilir. Kimyavi vasitələr daha tez təsirə malik olsalar da ayaqqabı rəngini itirə bilər.

Üsul 3: dondurulma

Polietilen paketə su doldurun (yaxşı olar ki, bu zaman iç-içə bir neçə paketdən istifadə edəsiniz) və paketi ayaqqabının içinə qoyub soyuducunun dondurucu kamerasına yerləşdirin. Fizikadan bilirik ki, su donanda həcmi artır, paketlərin etibarlığı isə sizin boynunuzda qalır.

Üsul 4: alətlər

Ayaqqabı dükanlarında və ya eBay-da xüsusi ayaqqabı yastıqları satılır. Əsasən taxtadan olan yastıqlar iki hissədən ibarət olurlar və genişlənmə mexanizmlərinə sahib olurlar.

Unutmayın ki, siz həmişə ayaqqabını genişləndirəndə onun möhkəmliyinə diqqət yetirməlisiniz. Əgər ayaqqabınız nazik dəridən hazırlanıbsa onu zədələmək riski böyükdür.

Geyimlərdə rənglərin ahəngi – müasir kişi

Geyimdə rəng seçimi

Geyimdə rəng seçimi

Müxtəlif rənglərin ahəngi sizin xarici görüşünüzü yüksəklərə qaldıra bildiyi kimi, ən diblərə belə sala bilər.

Əgər siz xarici görünüşünüzə diqqət yetirmirsiniz isə bu məqaləni oxumaqda bir fayda yoxdur. Yox əgər həqiqətən xarici görünüşünüz sizi maraqlandırırsa, onda rənglərin ahəngindən istifadə edərək xarici görünüşünüzü yaxşılaşdırın.

– Göyün müxtəlif çalarları, xardal rənginin müxtəlif çalarları və zümrüd rənginin müxtəlif çalarları təmkinli və isti rənglərlə uyğunlaşır;

– Tünd cins vizual olaraq sizi arıq göstərir, bədən quruluşunun defektlərini gizlədir. Daha açıq rəngli cinslər bunu edə bilmir;

– Açıq rəngli köynək və ya T-shirt üstündən tünd rəngli cemper geyinsəniz vizual olaraq hündür görsənəcəksiniz;

– 7-10 neytral rəgli t-shirt əldə edin. Hər zaman hər yerdə səni xilas edəcəklər;

– Ayaqqabı kreminin rəngini bir çalar açıq istifadə etsəniz ayaqqabınızın ilkin rəngi uzun müddətli olacaq;

– Gözünüzün rəngini önə çıxartmaq istəsəniz üst geyiminizi gözlərinizin rənginə uyğun seçin;

– Klassik cins gödəkçə bütün geyimlərlə uyğunlaşdırıla bilər;

– Boz geyim dəstinə tünd şokolad rəngli və ya qara ayaqqabılar uyğun gəlir;

– Ağ köynək qarderobunuzun ayrılmazı olmalıdır. Həmçinin klassik cins və tünd geyim dəsti. Ağ rəng hər bir şeylə uyğunlaşandır;

– Gur rəngli ipək dəsmal köhnə geyim dəstivizi təravətləndirəcək;

– XXI əsrin kişisi corabları ilə də eksperimentlər apara bilər. Rəngli corablar geyiminizə individuallıq verəcək.

Saçlarını vaxtında kəsdir

Bərbər

Bərbər

Saçları nə zaman düzəldim – qadınları ən çox narahat edən sualdır. Lakin kişilər də saçlarını vaxtında usta əllərinə təhvil verməlidirlər.

Bir çox kişilər saç ustasına gedəcəkləri vaxtı təyin edə bilmirlər. Bu səbəbdən səliqəsiz saçlar xarici görünüşü bərbadlaşdırır.

Təqvim

İnanclara inan dostlar aylıq xüsusi təqvimlər və qoroskoplarla maraqlansınlar. Bu tip nəşriyyatlarda həmin ayın saç kəsimi üçün uğurlu uğursuz günləri göstərilir.

Bazar ertəsi

Astroloqlar birinci günü ağır hesab etdikləri üçün saç ustasına ziyarəti bu günə salmamağı məsləhət bilmirlər. Saç kəsimi yığılmış neqativdən azad olmağa kömək edir. Həftəni bizə görə neqativi atmaqla başla.

Gözlər

Təqvim və qoroskoplara uyğunlaşma qadınların inandığı, sözün əsl mənasında axmaq fikirlərdir. Əsl kişi belə inanclara malik olmur. Beləki, saçlarınız artıq gözünüzə girirsə bərbərə getmək vaxtıdır.

Qulaqlar

Bütün bərbərlərdən maraqlana bilərsən saç kəsdirməyin vaxtı nə zamandır. Hamı sənə eyni şeyə deyəcək: saç qulağına girirsə bərbərə getmək vaxtıdır.

Ucları

Saçın uzundu və bərbərə çox nadir hallarda gedirsən? Saçların uzunluğu ilə bərabər onların sağlamlığı da önəmlidir. Saçqıran görən kimi bərbərə get, uclarını kəsdir.

Saçlara qulluqda əsas səhvlər – nazik saçların uzunluğu, düzgün qidalanmamaq, biotin çatışmamazlığı, dəmir, D və B vitamin qruplarının çatışmamazlığı.

Kişilər üçün üz maskaları

kisiler ucun uz maskasi

kisiler ucun uz maskasi

Kişilərin üz dərilərinə qulluq yumaq və üz qırxmaq ilə məhdutlaşmamalıdır. Həmçinin nəmləndirmək, qidalandırmaq və qorumaq lazımdır.

Kişilər nə qədər çalışsa da üzlərinə qulluğa 10 dəqiqədən artıq vaxt ayırmayacaqlar. Bu zaman kəsiyi üz dərisini normaya gətirməyə tam kifayətdir. Ən sadə üsul kişilərə uyğun üz üçün maskalardır.

Lakin kişilər var ki, öz görkəmlərinə fikir verirlər və bu tip kişilər üçün çoxlu maska reseptləri vardır. Bir çox kişi maskaları qadın maskalarından fərqlənmir. Bəlkə, qadınlarda olduğu kimi eyni effekti verməsə də, bu maskalar nəmləndirir və tonuslaşdırır.

Yorğunluğu 10 dəqiqəyə götürən üz maskası.

– Ananas, banan və çiyələk püresini qarışdırın. Üzünüzdə qarışımı 10 dəqiqə saxladıqdan sonra dərinizi hamarlaşdırır və yumuşaldır.

Kişilər üçün ən effektiv üz maskaları:

– 2 xörək qaşığı yoqurtu 1 xörək qaşığı bal ilə qarışdırın və 1 banan püresini əlavə edin və qarışımı üzünüzə vurun. 10 dəqiqədən sonra soyuq su ilə yuyun.

– Quru dəri üçün badam maskası. 1 xörək qaşığı badam yağı və 1 yumurtadan alınmış qarışımı üzünüzdə 10 dəqiqə saxlayandan sonra soyuq su ilə yuyun.

– Yağlı dərilər üçün maska. 1 pomidor püresinə 1 çay qaşığı limon suyu və 1 xörək qaşığı yulaf yarmasını qarışdırın və üzünüzə vurun, 10 dəqiqədən sonra su ilə yuyun.

– Gildən maska yorğunluğu aparır, dərini cavanlaşdırır və üz dərisində məsamələri təmizləyir. Gili suya tökürük və tam həll olunmasını gözləyirik. Aloye, bal, 1 yumurta sarısını əlavə edin. Qarışımı üzünüzə vurun, 10 dəqiqəyə yuyun və nəticə ilə fərəhlənin.

– Sadə kişi üzü üçün maska: 2 xörək qaşığı balı 2 xörək qaşığı süd ilə qarışdırın. Maskanı üzə çəkdiyinizdən 10 dəqiqə sonra yuyun.

– Üz quruluğundan azad olmağın effktiv yolu: yem buğdası və sudan qatı məcun hazırlayın. Məcunu üzə sürtüb 15 dəqiqədən sonra soyuq su ilə yuyun.

Kişi maskaları qadın maskaları qədər yayılmış olmasa da, onlara olan təlabat elə də kiçik deyildir. Kişilər artıq xarici görünüşlərinə fikir verirlər və “meymundan bir az yaraşıqlı” fikri ilə heç də razı deyillər. Əgər maska hazırlamağa vaxt yoxdursa bunu sizin əvəzinizə yoldaşınız edəa bilər, ya da apteklərdə artıq hazır maskaları əldə edə bilərsiz. Üzünüzə müxtəlif maskalar tətbiq etməklə üz dərinizi müalicə etmiş olacaqsınız.