Zukerberqin evi görənləri təəccübləndirdi (FOTO)

zukerberq_2

zukerberq_2

İstedadlı proqramçı, Facebook sosial şəbəkəsinin təsisçisi, planetin ən varlı insanlardan biri Mark Zükerberqin evinin fotoları hamıya maraqlıdır.

71 milyard dollar sərvəti olan 33 yaşlı Mark Zukerberq sosial şəbəkədə evinin video və fotolarını paylaşıb.

Süni intellektdən danışan milyarder çəkiliş qrupunu evinə dəvət edib.

Mark Zukerberqin evinin dizaynının sadəliyi diqqət çəkib. Milyarderin evinin bu qədər sadə olması görənləri təəccübləndirib.

zukerberq

zukerberq_1

zukerberq_3

Zukerberq 2004-cü ildə Harvard Universitetindən olan yoldaşları Dastin Moskovits, Eduardo Sovarın və Kris Hyuces ilə birlikdə ictimai paylaşma saytı Facebooku quraraq dünyanın ən gənc milyarderi olmasıyla tanınır.(BAKU.WS)

London 2017: Ramil Quliyev Dünya Çempionu Oldu

Ramil Quliyev

Ramil Quliyev

Əslən azərbaycanlı və bir zamanlar Azərbaycan bayrağı altında qaçan Türkiyə Milli Atleti Ramil Quliyev 16-cı Dünya Atletizm Çempionatında qızıl medal qazanıb.

Londonda 20.09 saniyə nəticəsi ilə 200 metrəni qaçan Ramil, CAR təmsilçisi Wayde Van Niekerk (2.11) və Trinidad Tobaqo təmsilçisi Jereem Richards’ı (20.11) geridə qoyaraq fəxri kürsünün ən yüksək pilləsinə qalxıb.

Ramilin bu uğuru Türkiyə Atlet tarixində bir ilk olub. Türkiyə prezidenti tvit ataraq Ramili bu tarixi uğurla təbrik edib. Ramil qələbə anlarını Türkiyə bayrağı ilə yanaşı Azərbaycan bayrağı ilə də bölüşüb.

Bəli, Ramil vətənindəki cahillərə bu qələbəsi ilə güclü cavab verdi. Bu gün Azərbaycan məhz səninlə Fəxr Edir Ramil Quliyev. Təbrik edirik!

Böyrəklərə zərər verən vərdişlər

böyrək sağlamlığı

böyrək sağlamlığı

Böyrəklər bədənimizdə çox əhəmiyyətli organlardandır. Möhtəşəm və mürəkkəb bir təmizləmə mekanizmasıdılar. Yəni böyrəklərimizə yaxşı baxmalı və böyrək sağlamlığımızı qorumalıyıq.

Buna görə böyrəklərimizə nələrin zərər verə biləcəyini bilməyimiz çox əhəmiyyətlidir. Bu məqalədə, böyrəklərə zərər verən vərdişlərin nələr olduğunu öyrənə bilərsiniz.

1. Kifayət qədər su içməmək.

Bunu onsuz da bilirsiniz,amma özünüzə bu sualı verin: ümumiyyətlə gündə neçə stəkan su içirəm? Böyrəkləriniz kafi miqdarda su almadıqda, uzun müddətli böyrək xəstəliklərinə yol aça biləcəyini unutmamalısınız. Böyrəklərin əsas funksiyası, metabolik tullantıları bədəndən ataraq bədəndəki qırmızı qan hüceyrələrinin sayını tənzimləməkdir. Əgər bunu etməsəniz, yəni kifayət qədər su içməsəniz, böyrəklərdə qan axışı yavaşlayar və qanınızda toksinlər yığılar.

2. Sidik tutmaq.

Sırf nəyləsə məşğul olduğumuz üçün sidiyimizi tutmaq: hamımız bunu bir dəfə olsa belə etmişik. Bədəniniz sizə tualetə getmə ehtiyacınız lazım olduğunu bildirərkən, sidiyinizi nə qədər tutursunuz? Bir saat? İki saat? Sidik kisəsinin uzun bir müddət sidik ilə dolu olması, sidik yollarınızda hipertrofi, hidronefroz (böyrəklərdəki sidik təzyiqində artım) kimi fəsadlar, ya da digər xəstəliklər meydana gətirə bilər. Bunu əsla unutmayın.

3. Yalnış qidalanma vərdişləri.

3.1 Normadan artıq natrium istehlakı.

Bildiyiniz kimi, əsas natrium qaynağı duzdur. Yaxşı, bəs niyə bu qədər zərərlidir? İlk növbədə böyrəklərimizin daha çox zərərinə yol açar. Böyrəklərin, ifrazat yolu ilə natriumu bədəndən atması lazımdır, bu da böyrəklər üçün stressə səbəb olur. Buna görə yeməklərinizdəki duzu azaltmalı, hətta heç istifadə etməməlisiniz.

3.2 Normadan artıq heyvani zülal istifadə etmək.

Heyvani zülallar və yüksək miqdarda yağ ehtiva edən bütün qidalar, böyrəkləriniz üçün çox zərərlidir. Bu qidalar böyrəklərin vəzifəsini getdikcə daha da çətinləşdirər və çıxardıqları qanı düzgün bir şəkildə təmizləməsinin qarşısını alırlar. Heyvan zülalları daha az istehlak etməyə və ya bu zülallar yerinə mümkün qədər bitki mənşəli zülallar qəbul etməyə çalışın.

3.3 Qazlı içkilər.

Qazlı içkilər böyrək sağlamlığı üçün çox zərərlidir və təəssüf ki, çox insan, xüsusilə də gənclər tərəfindən daha çox qəbul edilməkdədir. Bu içkiləri daha az qəbul etməyinizi, ya da heç istifadə etməməyinizi tövsiyə edirik. Bu içkilər, uzun vəd edən xroniki böyrək çatışmazlığına və böyrək daşı meydana gəlməsinə gətirib çıxarır.

3.4 Tütün məhsullarından və spirtdən uzaq durum.

Spirt və tütün məhsulları bədəniniz üçün toksin yığınıdır. Böyrək xəstəliklərinə yol açan və böyrəklərin işinə mane olan təhlükəli maddələrdir. Bu maddələrdən mümkün olduqca istifadə etməməyə çalışın. Yüksək təzyiq və ya şəkər xəstəsisiniz isə, bu maddələrdən qətiliklə uzaq durun.

3.5 Genetik quruluşu dəyişdirilmiş qidalardan uzaq durun.

Sizin də bildiyiniz kimi hər zaman yediyimiz məhsulların hardan gəldiyini bilmirik: transgenik qarğıdalı, laboratoriyalarda çıxarılan meyvə və tərəvəzlər, daha sürətli böyüməsi üçün genetik quruluşu dəyişdirilmiş yeməklərlə qidalanan heyvanların təbii olmayan ətləri … Bunlar bəzən heç diqqət etmədiyimiz qorxunc şeylərdir və böyrəklərimiz üçün çox zərərlidir. Hər zaman üzvi, təbii, sağlam, necə hazırlandığını bildiyiniz və sizə zərər verməyəcək qidalar almağa çalışın.

4. Yüksək qan təzyiqi.

Hiper təzyiqin, böyrək funksiyaları üçün çox diqqətə çarpan zərərləri vardır. Qan böyrəklərdən müəyyən bir şəkildə keçər, toksinlər köhnəsi kimi bədəndən atılmaz, böyrəklər yavaş-yavaş kiçilər və ciddi bir böyrək xəstəliyi ortaya çıxar. Qan təzyiqini tarazlıqda tutmaq üçün nizamlı olaraq ölçmək çətin bir şey deyil. Həkiminiz də bu testləri tez-tez etməlidir.

5. Dərmandan istifadə.

Dərmanların içində böyrəklərə ciddi şəkildə zərər verən maddələr olduğu üçün, mümkün qədər az dərman istifadə etməlisiniz. Bu maddələr böyrəklərin funksiyalarını dəyişə bilər. Dərmanları zövq üçün deyil, ehtiyacımız olduğu üçün alırıq. Bu olduqca müzakirə olunacaq bir mövzudur, amma böyrəklərə daha az zərər verən dərmanlar da mövcuddur. Buna görə, həkiminiz bu dərmanlara nəzarət etməlidir.

6. Hərəkətsiz bir həyat tərzi.

Gündə neçə saat hərəkətli olursunuz? Bu daim nəzarət edilməli mövzudur: hərəkətsiz bir həyat tərzi yalnız böyrək sağlamlığınızı deyil, eyni zamanda siz fərqində olmadan bədəninizin bir çox təməl funksiyasına da təsir edir. Fiziki fəaliyyət əksikliyi bir çox böyrək xəstəliyinə gətirib çıxarar. Məsələn, axşam gəzintiyə çıxa bilər və ya velosiped sürməyi öyrənə bilərsiniz. Bir yoldaşınız, ya da qohumunuzla idman etsəniz sizin üçün çox daha asan olacaq. Bunun üçün böyrəkləriniz qətiliklə sizə minnətdar olacaq. Yanınızda bir şüşə su götürməyi də unutmayın.

* Həyat tərzinizi və qidalanma vərdişlərini mümkün qədər düzəltməyə çalışın. Qidalanma vərdişinizdə edəcəyiniz kiçik bir dəyişiklik böyrək sağlamlığınız baxımından çox müsbət nəticələr verə bilər. Su için, duzdan, çox yağlı və şəkərli yeməklərdən uzaq durun … Və ən əhəmiyyətlisi, nizamlı müayinələrinizi etdirmək üçün həkiminizlə əlaqə saxlayın.(drseymur.az)

Fatih Terim Türkiyə Millisindən uzaqlaşdı

Fatih Terim

Fatih Terim

Türkiyə Millisinin, baş məşqçi Fatih Terim vəzifəsindən ayrılıb.

Türkiyə Futbol Federasiyasının rəsmiləri ilə bir araya gələn 64 yaşlı mütəxəssis qərarını açıqlayıb. Məlumatı Türkiyə Futbol Federasiyasının prezidenti Yıldırım Dəmirörən də təsdiqləyib.

Qeyd edək ki, Fatih Terim bundan əvvəl 1993-1996 və 2005-2009-cu illərdə də Türkiyə yığmasını çalışdırıb. O, 2013-cü ildən bəri bu vəzifədədir.

Xatırladaq ki, son günlər Fatih Terimin adı “Qalatasaray”la hallanır.(sport.az)

Azərbaycanlı aktyor Hollywood ilə əməkdaşlığa başlayır

Sain Fərmanli

Fərhad Fərmanli

Sain Fərmanlı Australia Stunt Academy tərəfindən təşkil olunan Hollywood Advanced Stunt Course akademiyanın rəhbəri Colin Handley tərəfindən dəvət alıb.

Dəvət məktubunda, Handley aktyorumuzun fəaliyyətini bəyəndiyini və Hollywood’da kurslar keçməyi və əməkdaşlıq əlaqələrini gücləndirməyə dəvət edib. Hal-hazırda Sain Hollywood’dadır. Onun təklif aldığı şəxslər isə filmlərdə döyüş səhnələrinin xoreoqrafları, kaskadyor və aktyorlarıdır. Bu şəxslər əksər Hollywood ulduzları ilə əməkdaşlıq edirlər.

Sain Fərmanlı artıq bir neçə tanınmış simalar ilə sıx əlaqə qurmağı bacarıb. Bunlara misal olaraq, təlim aldığı, dostlaşdığı və hətta Hollywood’da olduğu müddətdə evində qonaq olduğu Antony De Longisi qeyd etmək olar, həmçinin Dale Gibson, Lane Leavitt, Scott Leva, Tony Snegoff və başqalarını əlavə edə bilərik.

Hal-hazırda aktyorumuz Hollywood’da əməkdaşlıq üçün əlaqələri gücləndirir və müqavilələrin olması gözlənilir.

Aktyorumuz artıq bir neçə dəvətlərə də qatılıb. Oscar səviyyəsində keçirilən Taurus Award gecəsinə qonaq kimi qatılan Fərmanlı dünya şöhrətli stunt cordinator’larla görüşüb və əməkdaşlıq barədə fikir mübadiləsi aparıb. Aktyor ölkəmizin az tanındığını təəssüf ilə bildirib.

Sain Fərmanlı potensialına güvəndiyini qeyd edib, hətta yetərli dəstək olarsa bir döyüş filmində baş rol oynayaraq, Azərbaycan filmini dünyada tanıtmağa qadir olduğunu deyib.

Ramazan 2017 təqvimi

ramazan 2017

ramazan 2017

Qafqaz Müsəlmanları İdarəsi Qazılar Şurası Ramazan ayının başlanması ilə bağlı Fətva verib.

Fətvada bildirilir ki, Azərbaycan Milli Elmlər Akademiyası Şamaxı Astrofizika Rəsədxanasının bu ilki hesablamalarına əsasən, ölkə ərazimizin üfüqünə uyğun olaraq Ramazan ayının 1-i Ayın görünməsi ilə miladi təqvimlə 27 may 2017-ci ilə təsadüf edəcək. Ayın göründüyü andan etibarən Ramazan ayı başlayacaq.

Qeyd edək ki, sahur sübh namazından 20 dəqiqə öncə bitir və iftar məğrib namazının başlaması ilə başlayır. Allah bütün tutulan orucları qəbul etsin.

Ramazan 2017 Təqvim(islam.az)

WhatsApp və Skype’ı hansı qurumlar bloklayır?

skype

skype

Məlum olduğu kimi, bir neçə gündür WhatsApp və Skype ilə beynəlxalq danışıqlara məhdudiyyətlər tətbiq edildiyi ciddi müzakirələrə səbəb olub.

Məsələ ilə bağlı Azərbaycan İnternet Formunun prezidenti, ekspert Osman Gündüz bildirib ki, hazırda hər kəs bu problemin səbəbini axtarır.

Ekspert hesab edir ki, bu məsələyə aydınlıq gətirəsi yeganə qurum Nəqliyyat, Rabitə və Yüksək Texnologiyalar Nazirliyidir:

“Hələlik sektorda tənzimləyici qurum bu Nazirlikdir. Təəssüf ki, bu qurum da rəsmi açıqlama verməyib”.

Forum prezidenti qeyd edib ki, apardıqıları araşdırmalar və monitorinqlərin nəticəsi onu deməyə əsas verir ki, məhdudiyyətlər NRYTN–nin göstərişi ilə mobil operatorlar və backbone provayderlər tərəfindən həyata keçirilib:

“Bizdə artıq çox doğru olaraq təcrübə formalaşıb ki, tənzimləyici qurumun rəsmi göstərişi olmadan provayderlər hər hansı bloklama aparmır. Düşünürəm ki, bu addım ölkədə beynəlxalq yarışların keçirilməsi ilə əlaqədar olaraq təhlükəsizlik məqsədləri və güman ki, həm də internet trafikin həddindən artıq yüklənməsinin qarşısını almaq məqsədilə həyata keçirilib. Əlbəttə, bu prosesdə maraqlı tərəflər də var, sirr deyil k, internet üzərindən aparılan danışıqlar mobil operatorların büdcəsinə xeyli ziyan vurur”.

Onun sözlərinə görə, atılan addım bilavasitə vətəndaşların informasiya münasibətlərinin məhdudlaşdırılmasıdır:

“Bu isə qanunvericiliklə həll olunmalıdır. Düşünürəm ki, dezinformasiyaların yayılmaması üçün real vəziyyətlə bağlı NRYTN-nin açıqlama verməsi doğru olardı. Xüsusən də bizdə artıq bloklanma ilə bağlı yenicə qəbul olunan qanunumuz var. Eyni zamanda texnologiyaların, alternativlərin hədsiz çox olduğu indiki zamanda ayrı-ayrı resurslara qarşı bu tip addımların da nə dərəcədə effektiv olacağı da sual altındadır”. (xeberler.az)

18 yaşlı rumıniyalı bakirəliyini 2,5 milyon dollara satıb

alexandra kefren

alexandra kefren

Bu yaxınlarda Cinderella Escorts (fahişə xidmətləri təqdim edən sayt) auksion keçirərək, rumıniyalı Aleksandra Kefrenin bakirəliyini satıb.

Alıcı Honkonqdan tanınmamış bir iş adamı olub. 18 yaşlı rumıniyalının bakirəliyi 2,5 milyon dollar dəyərində qiymətləndirilib.

İdeya Aleksandranın ağlına “Indecent Proposal” filminə baxdıqdan sonra gəlib. Bu filmdə millioner qadına seks üçün 1 milyon dollar təklif edir.

Verdiyi müsahibələrin birində Aleksandra qeyd edib ki, alacağı pula valideynlərinə ev alacaq, təhsilini Oksfordda davam etdirəcək.

Cinderella Escorts da bu sazişdən heç də az qazanmayıb. Beləki, onlar hər 500 min dollardan 20% alıblar.

Dünya pasportları sadəcə dörd rəngdə olur və bunun səbəbi

pasport xəritəsi

Bilirdinizmi, dünyada pasportlar yalnız dörd rəngdə olur. Hər bir ölkənin isə pasport rənginin seçimində öz səbəbləri var.

Qırmızı

qırmızı pasport

Ən yayılmış rəng – qırımızıdır. Bu rəngi adətən kommunist keçmişi və bugünü olan ölkələr seçir. Sloveniya, Çin, Serbiya, Rusiya, Latviya, Rumıniya, Polşa, Gürcüstan vətəndaşlarının pasportu qırmızıdır. Avropa Birliyi ölkələri də (Xorvatiya xaric) pasportlarında qırmızı rəngin müxtəlif tonlarını istifadə edirlər. Avropa Birliyinə daxil olmaq istəyən Türkiyə, Albaniya və Moldova da bir neçə il əvvəl pasportda qırmızı rəngə keçid etmişdirlər. Həmçinin And ölkələrinə aid olan Boliviya, Kolumbiya, Ekvador və Peru kimi ölkələrin vətəndaşları da qırmızı pasporta malikdirlər.

Göy

göy pasport

Sayca ikinci ən çox yayılmış rəng isə – göydür. 15 Karib ölkəsinin pasportları göy rəngdədir. Göy rəng “yeni dünya”nın simvoludur. Cənubi Amerika ölkələrinin blokunda isə göy rəng Merkosur – ticarət birliyinin simvoludur. Bura Argentina, Braziliya və Paraqvay daxildir. Venesuela bu bloka daxil olsa da, onların pasportu qırmızı rəngdədir. ABŞ göy rəngə 1976-cı ildə keçid edib.

Yaşıl

yaşıl pasport

Əksər müsülman ölkələrinin pasportu yaşıl rəngdədir. Mərakeş, Səudiyyə Ərəbistan, Pakistan. Yaşıl rəng peyğəmbərin sevimli rəngi olub və təbiət, həyat mənasını daşıyır. Bəzi Qərbi Afrika ölkələrində də pasportlar yaşıl rəngdədir, Nigeriya, Nigera, Burkino Faso, Seneqal, Fil sümüyü sahilləri. Burada yaşıl rəng Qərbi Afrika ölkələrinin iqtisadi birliyini əks etdirir. Bildiyiniz kimi Azərbaycan Respublikasının vətəndaşları da yaşıl pasporta malikdirlər.

Qara

qara pasport

Ən nadir pasportlar isə – qara pasportlardır. Bəzi Afrika ölkələri (Botsvan, Zambiya, Burunda, Qabon, Anqola, Çad, Konqo, Malavi və sair) və Yeni Zenlandiya vətəndaşlarının pasportları qara rəngdədir. Yeni Zenlandiyada qara rəng milli rəng hesab edilir.

Dünya pasportlarının XƏRİTƏSİ

pasport xəritəsi

BlackBerry brendi müxtəlif elektronika mallarının istehsalı üçün istifadə olunacaq

Blackberry

Blackberry

Blackberry şirkətinin başçısı Con Çen bildirib ki, onlar lisenziya məsələlərində yeni mərhələyə çıxıblar və brendin istifadəsi üçün bir neçə müqavilə imzalayıblar.

BlackBerry indi nədir?

İmzalanmış müqavilələrə əsasən BlackBerry adı altında smartfonlar, planşetlər ilə yanaşı müxtəlif daşınan cihazlar, tibbi avadanlıq, ödəniş terminalları və məişət malları satışa çıxarılacaq. Şirkət başçısı qeyd edib ki, tezliklə BlackBerry planşeti də istifadəçilərə təqdim olunacaq. Cihazda brend ilə yanaşı şirkətin proqram təminatı da istifadə olunacaq.(infocity.az)