Bakı Metropoliteni yenilənir

Metro

Metro
Fransa Prezidenti Fransua Ollandın Azərbaycana rəsmi səfəri zamanı “Bakı Metropoliteni” QSC ilə Fransanın 3 şirkəti arasında 5 Anlaşma Memorandumu imzalanıb.

“Alstom Transport SA” ilə imzalanan Memoranduma əsasən Bakı Metropoliteninin istər yeni inşa olunan “Bənövşəyi”, istərsə də əvvəlki (“Yaşıl” və “Qırmızı”) xətlərində istifadə edilmək üçün yeni, müasir vaqonların alınması nəzərdə tutulub.

“BOUYGUES TRAVAUX PUBLİCS, LLS” ilə “Bakı Metropoliteni” QSC arasında imzalanan 2 Anlaşma Memorandumunun ilkində “28 May” stansiyasının yenidən qurulması (“Qırmızı” və “Yaşıl” xətlərin ayrılması) işlərinin görülməsi nəzərdə tutulub.

Qeyd edək ki, “Qırmızı” xətlə (“Həzi Aslanov” – “İçəri Şəhər” stansiyaları arası) “Yaşıl” xətt (“Dərnəgül” – “Xətai” stansiyaları arası) “28 May” stansiyasında kəsişir və bu da öz növbəsində hər iki xətt üzrə hərəkət edən qatarların sərbəst hərəkət etməsində müəyyən çətinliklər yaradır.

Digər Memoranduma görə isə “Yaşıl” xəttin davamı olaraq “Xətai” stansiyası ilə “Həzi Aslanov-2” stansiyası arasında bir neçə stansiyanın inşası nəzərdə tutulub.

Növbəti 2 Anlaşma Memorandumu isə “THALES S.A” şirkəti ilə imzalanıb. Birinci sənəd Bakı Metropoliteninin texnoloji cəhətdən gücləndirilməsi istiqamətində əməkdaşlığın əsasını qoymaq məqsədilə imzalanıb.

Belə ki, “Bənövşəyi” xətdə (“Avtovağzal”, “Memar Əcəmi-2” st.) inşa olunan stansiyalarda işarəvermə və idarəetmə sistemlərinin tətbiqi üçün son texnoloji avadanlıqlardan istifadə edilməsi planlaşdırılır.

Həmçinin gələcəkdə inşa olunacaq yeni stansiyalarda da bu sahədə mövcud ən müasir avadanlıqların, işarəvermə və idarəetmə sistemlərinin tətbiq olunması nəzərdə tutulub.

Digər sənəddə isə təlim və tədris proseslərinin həyata keçirilməsi nəzərdə tutulub. Tərəflər bu Anlaşma Memorandumunu həyata keçirməklə Bakı Metropoliteninin təlim və tədris imkanlarının inkişaf etdirilməsi məqsədi ilə əməkdaşlığı gücləndirmək arzusundadırlar.

Qeyd edək ki, “Alstom Transport SA”, “BOUYGUES TRAVAUX PUBLİCS, LLS”, “THALES S.A” şirkətləri ilə imzalanan Anlaşma Memorandumunda nəzərdə tutulan işlərin həyata keçirilməsi üçün adıçəkilən şirkətlərlə qarşılıqlı əməkdaşlıq edilməsi və 2-3 ay müddətində müvafiq müqavilələrin imzalanması nəzərdə tutulub. /gun.az/

Məhşur tennisçi dünyasını dəyişib

Yelena Baltaça

Yelena Baltaça
Sabiq Britaniya birincisi Yelena Baltaça dünyasını dəyişib. Tennisçi həyatının 30-cu yaşında (14 avqust 1983) xərçəngə məğlub olub.

Tennisdən uzaqlaşan Baltaça uzun müddət münasibətləri olduğu məşqçisi Nino Severino ilə ailə həyata qurmuşdu. Toydan bir neçə həftə sonra cari ilin mart ayında qara ciyər xərçəngi diaqnozu qoyulan Baltaça 4 may 2014-cü ildə sevdiklərinin ətrafında dünyasını dəyişib.

Yelena Baltaça Kiyevdə sovet idmançıları ailəsində anadan olub. Atası Serqey Baltaça “Dinamo” (Kiyev) futbolçusu, anası Olqa Baltaça yüngül atletikada SSRİ idmaçısı olmuşdurlar. Ailə 1989-cu ildə İngiltərəyə və sonradan Şotlandiyaya köç edib.

Bakı bulvarında dəniz taksiləri

Dəniz taksisi

Dəniz taksisi
Bakı bulvarında dəniz taksilərinin fəaliyyətə başlaması ilə bağlı işlər görülür. Azərbaycan Dövlət Dəniz Administrasiyasının mətbuat xidmətinin rəhbəri Ərsalan Əliyevin verdiyi məlumata görə, hazırda bu layihə üzrə müzakirələr aparılır.

Layihəyə əsasən yaxın vaxtlarda Bakı buxtasında kiçik dəniz taksiləri fəaliyyət göstərəcək. Dəniz taksiləri Dövlət Bayrağı Meydanından Əhmədli qəsəbəsinədək və əks istiqamətdə xidmət göstərəcək. Lakin bu layihənin həyata keçirilməsi üçün hələ çox iş görülməlidir.

“Əgər layihə özünü doğrultsa, bunun üçün xüsusi qayıqlar alınacaq. Bundan başqa, Xətai limanı ərazisində xüsusi sahə ayrılacaq. Bu layihə dünya ölkələrinin praktikası əsasında hazırlanacaq”. – deyə Ərsalan Əliyev bildirib.

Hazırda layihənin iqtisadi səmərəliyi araşdırılır. Ərsalan Əliyevin sözlərinə görə, araşdırmalardan sonra, qayıqların hansı ölkədən alınacağı, onların qiyməti və sayı məlum olacaq. Daha sonra Bulvar ərazisində neçə qayığın əhaliyə xidmət göstərəcəyi və xidmət haqqı da müəyyənləşəcək.

Qeyd edək ki, dəniz taksiləri 5 istiqamət üzrə fəaliyyət göstərəcək. Dəniz taksiləri vasitəsilə Bakı buxtasından Nargin adasına da getməyə imkan olacaq. Katerlərin sürəti Nargin adasına 5-8 dəqiqəyə çatmağa imkan verəcək.

Xatırladaq ki, əvvəllər buxtaya 3 gəzinti kateri, sonra isə daha 1 kater gətirilib. Hazırda Azərbaycan Dövlət Dəniz Administrasiyasının sifarişi ilə Türkiyədə yeni katerlər istehsal olunur. anspress.com

Toyota benzin mühərriklərində Atkinson dövrəsi prinsipindən istifadə edib

Atkinson Mühərriyi

Atkinson Mühərriyi

Yaponiya şirkəti olan Toyota yeni 1-1,3 litrlik benzin mühərriklərində Atkinson dövrəsindən istifadə edib, Automotive News Europe xəbər verir.

Antikson dövrəsi yanacağa qənaət edir və ekoloji göstəriciləri artırır. Çatışmamazlığı – aşağı döngələrdə sönmə ehtimalı vardır.

Yeni üçsilindirli 1 litrlik tutumu olan mühərrik 11,5:1 sıxlığa, 68 at gücünə malikdir. Hər 100 km 3,9 litr benzin israf edir. Mühərrikin termik faydalıq əmsalı – uyğun olaraq, 37 və 38 faizdir.

2015-ci ilin sonunadək Toyota 12 analoji mühərrikin istehsalını planlaşdırır ki, bu mühərriklər şirkətin buraxdığı maşınların 1/3-də istifadə olunacaq.

“Zərdüşt belə dedi” filmi Kann festivalında

"Zərdüşt belə dedi" filmi

"Zərdüşt belə dedi" filmi

Gənc rejissor Ayxan Tanın çəkdiyi “Zərdüşt belə dedi” filmi Kann festivalında tamaşaçılara təqdim olunacaq. Filmin qəhrəmanı gənc aktyor Orxan Atanın sözlərinə görə “Zərdüşt belə dedi”nin çəkiliş qrupu may ayında Kann festivalı çərçivəsində Kann şəhərində olacaq. Film festivalın “Short Film Corner”inə seçilib.

“Zərdüşt belə dedi” filminin rejissoru Ayxan Tan, ssenaristlər İlham Əkbər və Musa Əfəndi, prodüsseri Azad Heydərov, filmin qəhramanları aktyorlar Arzuman Mirzəsoy, Orxan Ata və Eltac Zeynalovdu. Gənclər filmin çəkilişlərini Qaxda və Bakıda aparıblar.

Filmin posteri Tural Əlisoyun əl işi olub, ingilis dilinə tərcüməsini Cavid Ağa və İlahə Əkbər yerinə yetiriblər.

“Zərdüşt belə dedi”nin qısa məzmunu: Orxan, qardaşını axtarır. Dostu ilə birlikdə qardaşının axtarışına çıxan Orxan Zərdüştdən xəbər tutur və son fürsətini yoxlayır. Hadisələr Orxan-Zərdüşt-qardaş üçbucağında keçən simvollarla dolu hekayələrdən ibarətdir.

Qısametrajlı olub, film 20 dəqiqəlikdir. Janrı komediyadır.

Tsukerberqin illik əmək haqqısı 1 dollar olub

Mark Zuckerberg

Mark Zuckerberg

Facebook sosiyal şəbəkəsinin banisi və direktoru olan Mark Tsukerberqin əmək haqqısı azalıb: 2013-cü ildə o, sadəcə 1 dollar qazanıb ki, 2012-ci ildə onun illik əmək haqqısı 503,205 min ABŞ dolları olub. Bu barədə Agence France-Presse yazır.

Facebook-un Tsukerberqə verdiyi kompensasiyalar da 1,99 mln dollardan 653 min dollara qədər azalıb. Bu məbləğə Tsukerberqin şəxsi təyyarəsi ilə gəzintilərin xərci də daxildir. Facebook bunu Tsukerberqin mühafizəsi naminə etdiyini bildirir.

Əmək haqqının simvolik məbləği heç də Tsukerberqin maddi vəziyyətinə təsir etməmişdir. O, 2013-cü ildə Facebook sahibi kimi 3,3 mlrd dollar qazanmışdır. Forbes jurnalının məlumatına görə onun cari kapitalı 26,7 mlrd dollar təşkil edir və Tsukerberq dünyanın ən varlı insanları sıralamasında 21-ci yerdə gərarlaşıb.

Əmək haqqısını 1 dollar etməklə, Tsukerberq böyük milliarder rəhbərlərin atdığı addımı təkrarlayıb. Beləki, 1 dollar əmək haqqı olan milliarderlər arasında Google baniləri Larri Peyc və Sergey Brin, həmçinin Apple banisi, 2011-ci ildə dünyasını dəyişən Stiv Cobs vardır.

Fender Stratocaster gitarası 250 min dollara satılıb

Fender Stratocaster gitarası və Corc Qrun

Fender Stratocaster gitarası və Corc Qrun

İlk Fender Stratocaster elektrogitarası ABŞda 250 min dollara satılıb. 1954-cü il istehsalı olan gitaranı satışa gitara tarixi üzrə mütəxəssis Riçard Smit tərəfindən qoyulub. Vasitəçi kimi musiqi alətləri dükanının sahibi Corc Qrun çıxış edib.

Qrunun sözlərinə görə, gitara ilk olaraq musiqiçi-həvəskar tərəfindən alınıb, sonradan onu Riçard Smit əldə edib. Gitaranın yeni sahibinin adını açıqlamayan Qrun, onun ABŞ kolleksionerlərindən olduğunu deyib. Yeni sahibi Feniksdə Musiqi Alətləri Muzeyi ilə danışıqlar aparmış, gitaranın nümayişinin təşkil etməyi istəmişdir.

Satılan gitaranın seriya nömrəsi 0100 olub. Həmçinin daha aşağı seriya nömrəli Fender Stratocaster gitaraları da vardır, 0001 daxil olmaqla. Lakin Qrun iddia edir ki, onun vasitəçiliyi ilə satılan gitara daha əvvəl istehsal olunmuşdur.

1954-cü ildə yaranmış Fender Stratocaster gitarasını dünyanı dəyişən gitara adlandırırlar. Onun istifadəçiləri arasında Baddi Xoll, Cimi Hendriks və Bob Dilan kimi dünya ulduzları olub.

Facebook Oculus-u 2 mlrd dollara alır

oculus vs facebook

oculus vs facebook

Facebook sosial şəbəkənin təmsilçiləri Oculus şirkətinin alınması barəsində elan veriblər. Virtual Reality Texnologiyaları ilə məşğul olan Oculus-u Facebook nə az, nə çox 2 mlr dollara əldə edəcək, Agence France-Presse məlumat verir.

Qeyd olunur ki, Facebook Oculus texnologiyalarını yalnız virtual oyunlarda yox, təhsildə, kommunikasiya sahələrində tətbiq etməsi gözlənilir. Misal üçün dünyanın istənilən yerində virtual dərslərdə iştirak etmək imkanı, evdə oturaraq hər hansı bir matçda real özünü hiss etmək və sair bu kimi imkanları Facebook özünə hədəf qoymuşdur.

Sazişə əsasən, ödəmə 400 mln dollar nağd şəkildə və 23,1 mln Facebook aksiyası şəklində həyata keçiriləcək. Hal-hazırda 1 Facebook aksiyası 64 dollara ekvivalentdir.

Bir dollardan da ucuz olan kartondan mikroskop hazırlanıb

kagiz mikroskopu

kagiz mikroskopu

Stenford Universitetinin mühəndisləri 2000 dəfə artırmaq imkanı olan mikroskop hazırlayıblar. Onun haqqında məlumat Kornelsk universitetinin arxivində olmaqdadır.

Avadanlıq karton, diod, batareya və linzadan ibarətdir. Avadanlığın yığılması bir neçə dəqiqə tələb edir. Avadanlığın dəqiqliyi 100 mikrondur.

Preparatlar xüsusi şüşə predmetləri üzərində mikroskopa daxil edilir. Gözünüzü okulyara tam yaxınlaşdırmaq lazımdır. Görünüşü dəqiq əldə etmək üçün baş barmağınız ilə kağızdan olan scroll-u tənzimləyə bilirsiz. Mikroskop zərbəyə davamlıdır.

İcadın məqsədi kasıb ölkələrdə laboratoriya işlərinin sadələşdirilməsidir. Həmçinin bu cür mikroskoplar hərbidə və təhsildə istifadə edilə bilər.

“Lego”dan klaviatura yığılıb

'lego'dan klaviatura

'lego'dan klaviatura

“Lego” sevən Ceyson Alleman (Jason Allemann) onun detallarından kompüter klaviaturasını yığıb. Klaviatura tam işləkdir və əksər funksiyalar aktivdir.

Zəmin olaraq Alleman PS/2 çıxışlı klaviatura götürmüşdür. Klaviaturanın platası, kauçuk plastinası və kabeli istifadə edilmişdir. Yerdə qalan detallar “Lego”nun detallarından hazırlanmışdır.

“Lego”dan klaviaturanın korpusu, düymələri hazırlanmışdır. Alleman deyir ki, ən çətini düymələrin düzülüşü olmuşdur. Onları kauçuk plastinalara uyğun düzmək olduqca çətin olub. Düymələr karkasda bərkidilmişdir. Karkası Alleman “Lego” maşınlarından düzəldib.

Alleman simvol və rəqəmləri əllə yazmamış və xüsusi yapışqanlardan istifadə etməmişdir. Simvol və rəqəmləri Alleman “Lego”nun özündən axtarıb tapmışdır. Bəzi funksional düymələrin əvəzinə özünün fikirləşdiyi işarələri qoymuşdur. Misal olaraq, Caps Lock düyməsinin əvəzinə beysbol papağı, Scroll Lock düyməsinin əvəzinə burulmuş kağız işarəsindən istifadə etmişdir və bu işarələr də “Lego”dan götürülmüşdür.

Ceyson Alleman “Lego”dan müxtəlif konstruksiyaları 2005-ci ildən hazırlayır.