Kişilər üçün botoks

03/11/2016
681 Baxış

kişilər üçün botoks

Üz yaraşıqlığı və cavanlıq sizi daha uğurlu və cazibədar edəcək ki, biznesdə və qadınlar ilə münasibətdə daha uğurlu olacaqsınız. Kişilərin daim gənc görkəmə sahib olmaq istəyində pis nə var ki?

Artıq gənc və qırışıqsız nəinki qadınlar, həmçinin kişilər də ola bilərlər. Qərbdə artıq çoxdan kişilər kosmetoloqları ziyarət edir və prosedurlar elətdirirlər. Kosmetoloqiyaya üz tutan kişilərin sayı son illər üç dəfə artıb. Ən cüzi əməliyyat isə botoksdur. Bu hətta əməliyyat deyil, bir neçə dəqiqənizi alacaq iynədir. Bu iynələrdən ulduzlar və varlılar istifadə edirlər.

Kişilər üçün botoks iynələri

Botoksun köməyi ilə alnınızdakı şaquli, göz ətafı, yanaq, çənə qırışlarından azad ola bilərsiniz. Botoks üz tərləməsini azaldır. Əli tərləyən biznesmenlər aksər hallarda sağ əllərinə botoks vurdururlar ki, tərli əllə salamlaşmasınlar. Bu biznesmenlər üçün çox vacibdir. Əgər 30-50 yaşlarında kişinin görüşdüyü qadın ondan cavandırsa, botoks onun köməyinə gələ bilər.

Botoksdan əvvəl kişi nə etməməlidir?

Botoks iynəsindən bir gün əvvəldən spirtli içki qəbul etmək olmaz. Üzə qan axınını çoxaldacaq hərəkətlər və idmanla məşğul olmaq olmaz. Yüksək qan dövranı preparatı düzgün yaymağa mane ola bilər.

Kişilər üçün botoks əməliyyatı 5-10 dəqiqə davam edir və 10 dəqiqə sonra buz ilə soyudulur. Botoks iynəsi ağrı vermir, əgər ultra həssas dəriniz varsa yerli anesteziya üçün kremdən istifadə etmək olar.

Botoksdan sonra kişilərin üzlərinə toxunmaları və onu massaj etmələri olmaz. Bir neçə saat uzanmaq, idman ilə məşğul olmaq, mimik hərəkətlər etmək, dərman qəbul etmək olmaz. Nəticəni kişilər artıq 5-7 gündən sonra görə bilərlər, maksimum bu müddət 2 həftəyə qədər uzana bilər.

Kişilər üçün əks təsir adətən yoxdur. Bəzi nadir hallarda iynənin yeri qanaya, başınız ağrıya, gözünüz cüt görə bilər. Lakin bu baş versə belə çox tez bir zamanda keçib gedir.

Botoksun təsiri 4-6 ay davam edir, təkra iynədən sonra təsir 12 aya qədər uzana bilir. Botoksu dayandırdıqdan sonra isə hər şey əvvəlki halına qayıdır.

Botoksu 18-65 yaş arasında olan kişilər istifadə edə bilər. 2015-ci ildə statistikaya görə 500.000 dən çox kişi botoks edib.