“Life is Good” iki qardaşın milyonluq biznesi

15/09/2016
766 Baxış

berth and john

İki qardaş anaları onlara uşaq vaxtı hər gün verdiyi bir suala görə milyonluq biznes yaratdılar.

1994-cı ildə Bert və Con Ceykobs qardaşları “Life is Good” (Həyat gözəldir) dizaynı ilə köynəklərin satışı ilə məşğul olan bir şirkət təşkil etdilər.

O zaman qardaşların bir furqondan başqa heç nəyi yox idi. Bugün onların şirkətinin qiyməti $100 milyondur. Bunda sözsüz ki, onların anaları Coanın əməyi çoxdur. Məhz o, öz uşaqlarını heç nəyə baxmayaraq həyatda ən gözəl şeyləri görməyə öyrətdi.

Bert və Conun uşaqlığı heç də asan deyildi. Onlar hələ ibtidai məktəbdə oxuyarkən onların valideynləri avtomobil qəzasına düşmüşdülər və onların atasının sağ əli tamamilə fəaliyyət qabiliyyətsiz qaldı. Bu kişini xasiyyətinə çox təsir elədi: o, bütün hirsini yaxınlarının üstünə çıxarmağa başladı.

Lakin bütün bu uğursuzluqlara baxmayaraq qardaşların anası həyatın gözəl olduğuna inamını dayandırmadı. O, hər gün nahar yeməyindən qabaq öz uşaqlarına bir sual verərdi: “”Bugün nə yaxşı hadisə baş verib?”

Analarının nikbinliyi uşaqları ən çətin günlərdə də xilas edirdi. Anaları Bert və Cona öyrətmişdi ki, nikbinlik bizim hər gün etməli olduğumuz seçimdir. Onlar da həyatlarının hər günü bu qaydaya əməl edirdilər. Hətta ciblərində cəmi $78 olduqları və Bostonun küçələrində öz köynəklərini satdığı zaman da analarının sözləri yadlarından çıxmırdı.

Sonda bu nikbinlik qardaşları uğura gətirib çıxartdı. Onlar köynəklərdə “Life is Good” yazısını yerləşdirdikdən sonra alıcılar bu köynəklərə vurulub ilin axırına qədər $87,000 məbləğinə köynəklər aldılar.

Bu gün Ceykobs qardaşlarının malları dünyada minlərlə dükanlarda satılır və 22 il öncə olduğu kimi indi köynəklərin əksəriyyətində həyatın gözəl olması əks etdirilir. (eno.az)